السلام عليكم
انا شوفت الاركان في المنتدي لاقيت في مواضيع كتير بتتكلم عن الحب والعلاقة بين الولد والبنت قبل الزواج والبنات بتسال الشباب عن حاجات عايزة تفهم قاعدين يقولو لية مش بيحبها ليه بيحبها لية متعجبهوش كان البنات دى شوية طماطم وهو اللي يختار بمزاجه لا سورى احنا لينا راي ولينا حق نرفض ونقبل واللي ميعرفش قيمتي مش عايزاه والبنت الذكية هي اللي تفكر تعمل نفسها ومتستمدش كيانها من زوجها وهو يجي يبقي هي ليها كيان وشخصية مش تخلص تعليم وتقعد تستني ابن الحلال وتحط اديها علي خدها في حين انها ممكن تعيش من غيرهم اصلا ولا تحتاج لهم اصلا وطبعا وكمان احنا اصلا عندنا حاجات كتير نفكر فيها غير الحب لا وكمان البنات بتسال الشباب ومعتقده انهم حيجاوبوا بصراحة لكن الحقيقة ان الشباب بيدخلوا بيقولوا كلام مش مقنع ومش مفهوم خالص واراء متضاربة وافكار خاطئة ومعتقدات ليس لها اي اساس من الصحة فبالتالي النتيجة صفر يعني لااستفادة يعني مثلا الولد يقول اية انا متجوزش واحدة ماشيت معاها اصل هي مش محترمة طب لما هيي مش محترمة بتمشي معاها ليه بتعرفها لية اصلا والله حاجة تغيظ طب هي مش محترمة انا لية انزل نفسي لية لمستواها وابقي مش محترم زيها وكمان يقولوا اية اصل انا بعامل كل بنت علي حسبها يعني لو هي محترمة ححترمها لو هي بقي مش ابقي مش معاها طب دي حجج فارغة لان الكلام دة لا اساس له من الصحة لان الانسان المحترم مينفعش يبقي مش محترم اية يجبرني ابقي مش محترم
وكمان في حاجة تانية لما ولد بيعاكس بنت ولا يبقي عايز يمشي معاها وهي متوافقش يقول عليها قفل ويشتمها ولو بقي مشت معاه يقول مش محترمة مش حاجة تجنن يعني مش عاجبهم حاجة ودة ان دل فهو يدل علي انه مش فاهم اي حاجة ولا عارف حاجة وانه انسان ضايع معندهوش مبدا
علي فكرة انا مش ضد الاختلاط لكن في حاجة اسمها حدود يعني احنا داخل الحرم الجامعي زملاء خارج الحرم الجامعي بقي انا معرفش حضرتك وكزلك في العمل احنا زملاء داخل العمل اما خارجه برده معرفش حضرتك وعلي ما اعتقد دة الصح ومن الاخر البعد عنهم غنيمة بس نعمل اية ادي حال الدنيا