أزيكو يا جماعة عاميلن ايه
وحشتونى والله

نزلت النهاردة الكلية عقبال عنكم كدا يعنى

وكنت زهقان شويتين كدا وانا لما ببقى مخنوق لو فى اى موقف حصل اودامى ممكن يأثر فيا وافتكره دايما

المهم

كنت فى المواصلة كالعادة وانا رايح الكلية والزحمة والارف والكلام دا

المهم كنت قاعد جنب الشوباك ولقيت عربية نص نقل مش عارف دى ولا ربع النقل
ما علينا بردو,,, كانت محمله ايه ... كانت محمله اعزكم الله _ بقر _ شكلهم كدا كانوا رايحين السلخانة حيث مأواهم الاخير

بس لفت نظرى حاجة .. انا اول ما شفتهم والله ضحكت مع نفسى كدا بس جت فى دماغى على طول ان هم دول ربنا خلقهم حيوانات خلقهم كدا ولا راااااااد لقضاء الله وهما قاموا بمهمتهم فى الحياة اللى ربنا خلقهم علشانا نشرب من لبنهم وناكل لحومهم

فى واحد يطلع دلؤتى يقولى ايه الواد دا اتهبل ولا ايه
اقولك بقى

ان الحيوانات دى زى ما هما مخلوقين لحكمة ومهمة معينة احنا بردو البشر, الانسان مخلوق لمهمة معينة ان هو يعبد ربنا يلتزم باوامره ويجتنب عن نواهيه ولكن للاسف اغلبنا ان لم يكن كلنا مقصر فى المهمة دى واولهم انا طبعاااااااا بالرغم ان الحيوانات اللى نهايتها يوم القيامة ترااااااااااااب قامو بالمهمة دى

دى نقطة جات فى بالى حبيت تشاركونى فيها