السلام عليكم
بصوا بقى بجد حرام اللى بيحصل ده
لما نيجى فى يوم يطلع علينا سيادة الريس ويقول ان الزيادة 30% طبعا كل الناس هللت له وفرحت لكن الخيبة الكبيرة اللى كانت مستنية الناس مش زى ما هم متوقعين دى الزيادة لها حد اقصى وهى 180 جنيه ولمين للدرجة الاولى الممتازة ياخبتى
قولنا مش مهم اهو حاجة تسند جنب غلاء الاسعار
لكن تيجى الحكومة بسلامتها تعطى لنا بيديها اليمين وتسحب مننا الاضعاف بيدها اليسار اهو ده اللى حرام
امبارح الجاز غلى والسجاير دى اكتر حاجة فرحت لها ان السجاير غليت علشان الناس تراجع تفكيرها فى التدخين
لكن من بعد اما الجاز غلى والله ياجماعة مفتش 24 ساعة على هذا الموضوع والا الموصلات بقيت التعريفة بتاعتها زادت مرة ونص ليه
واللى غيظنى امبارح وزير مبجل ظهر فى برنامج من برامج التوك شو يشرح لينا ان مفيش زيادة فى الموصلات ويقولنا ان الميكروباص مش حيزيد تعريفته والزيادة كلها 35 قرش على اللتر اللى بيقطع 10 كم وحاجات غريبة كده
اغلب الشعب مش فاهم كده
والله حرام اللى بيحصل فينا ده