طبعا انا ملاحظة ان مافيش حد فيكم يا وحشين احتفل بعيد ميلاد بابا على رأي بسكوتة :]

وده حتى عيب

المهم طبعا دي انا بهديها لبابا

بس مش انا اللي كتباها لما ابئى كاتبة انا حاجة هبئى اقولكم


كل سنة وانت
قاعد جوة قلوبنا
ومعمر جيوبنا
ومعيشنا في سعد

كل سنة وانت
منور شاشتنا
ومزهزه عيشتنا
ومهنينا بجد

كل سنة وانت
بتشجع فريقنا
ولا يوم بتفارقنا
في التدريب والماتش

كل سنة وانت
بتعدل دستورنا
طبعا لما تشورنا
في استفتاء حر

كل سنة وانت
بتشغل شبابنا
وتزود انتاجنا
بدعم السوق الحر

كل سنة وانت
انجاز ورا انجاز
دايما كده منحاز
لمحدودي الدخل

كل سنة وانت
بتفكر فكر جديد
ومكفينا حديد
ومكفينا اسمنت

كل سنة وانت
بتدي الاولوية
للبنية التحتية
والتشطيب اللوكس

رب يطول عهدك
والدنيا تزهزهلك
رب يبعد عنك
المحظورة والمأجورة
وكل وجع القلب