سيبهم يا مصري يلونوك
واكتم ف قلبك اي صوت
خلي الاكابر يرسموك
خيال مآتة او روبوت
طلع شهادة حسن سير
تثبت خلوك م الرجولة
دلدل شنابك ع السرير
وعيش كمان سن الطفولة
واضحك لنفسك ف المرايا
طرقع لبان زي الولايا
اركن ضميرك ع الدولاب
واياك تنام من غير كافولة
واوعاك تفكر مين مشي
او حتى تسأل مين قعد
خليك حسيس عيب اختشي
ده مهما كان صاحب البلد
وانت وحبايبك والحضور
في العزبة عنده يادوب ديكور
لو مرة قال هديكوا دور
اياك تقول دور البطولة

انا عجبتني اوي فقلت انقلهلكم من الدستور