هههههههه

شايف على شفايف إبتسامه ... كويس

طبعا شعار قهوتنا (اللى عايزنى يجينى انا ما بروحش لحد) ده مش منظره

لأ ... ده بس عشان العضمه كبرت بقى ومبقاش فيه حيل نروح لحد

وشوية الحيل اللى عند الواحد بيوفرهم للوقفه ....

مش وقفة العيد يا حبيبى .... لأ

وقفة طابور العيش

ما علينا ...

هنا بقى هتلاقى كل اللى تحلم بيه

يعنى دكاترة فى الفتى ... متخصصين فى الغتاته ... ده غير إستشاريين بتوع كله

قهوتنا مش بتاعت حد معين ...

يعنى أى حد يجى الصبح يرش قدامها شوية ميه

ويطلع الكراسى بره

ويشوف طلبات الزباين

أما بالليل فا ما تقلقش خاااااالص

لأن الحكومه بتشيل عنك هم مين هيقفل القهوة

اتفقنا ؟؟؟؟

ادخل حضر قهوتك بنفسك

وكمان اطرح موضوع عايزنا نتكلم فيه

وهتلاقينا كلنا بنفكر معاك وهتبقى ليله سودا إن شاء الله

بمناسبة الليله السودا

نسيت أقولك حاجه ضروريه لازم تعملها قبل ما تيجى القهوة

...... ودع أهلك .......