انتوا عارفين ياجماعة امنية حياتى اعمل كتاب واكتب عليه انجازات مبارك تقريبا عارفين ليه
وانا بدرس للطلبة الابتدائى فى مادة الدراسات الاجتماعية شوفت كام موضوع كاتبين فيه عن انجازات مبارك والحاجات اللى عملها وكمان اختى وهى بتذاكر مادة تاريخ فى الثانوية العامة سمعتها بتسمع الانجازات دى لدرجة انى افتكرت نفسى فقدت الذاكرة قعدت اسأل نفسى هى فين الانجازات دى هو انا مش من البلد دى وملقيتش اجابة عن الاسئلة اللى بتدور فى ذهنى نفسى الاقيها مش عارفة
ياجماعة ياريت لو حد شايف ان فى اى انجازات فى مصر حصلت خلال المدة بتاعت عمكوا مبارك يدخل ويقولى ايه هى يفكرنى يمكن اكون فعلا فقدت الذاكرة وبتمنى انى اكون فعلا فاقداها
ياريت اللى يلاقى يقولى عشان ادونها واعمله كتاب اكتبله فيها انجازاته العظيمة اللى انا مش لاقياها