زهقنا بقى كلام عن الجواز و مشاكل الجواز

بصراحه الموضوع نتيجه لقعده بناتيتى اتناقشنا ف نقطه اختلفنا عليها كلنا

محدش فينا رايه كان زى التانى

ايه بقى الموضوع؟؟


طبعا احنا عارفين اليومين دول عالم اختيار شريك او شريكه الحياه بقى صعب ازاى

و اللى بيدخلوا ف عالم جواز الصالونات متهيئلى ناس شجعان جدا لانهم بيتحطوا تحت ضغوط نفسيه عديده قبل مقابله العريس و متزوقينى يا ماما اوام يا ماما

و بعدين مع كل مقابله تحت اشراف الاهل بالطبع و التعرف عليه و انتظار المكالمه اللى تحدد اللقاء اللى بعديه او موعد لقرايه الفاتحه و دقوا المزاهر يلا يا اهل البيت تعالوا


طب خلاص حصل المراد من رب العباد و حصل توافق و كله تمام و قرينا الفاتحه و لسه برضه بنتعرف على بعض و فجاه

موسيقى تصويريه

دان دان داااااااااااااااااااااااا اااااااااااااااا

اكتشفتى ان عريسك الهمام فارس الفرسان طلع خجووول و بينكسف

المرات السابقه كانت مامته بتتصل تحدد ميعاد و موعد اللقاء الراجل كان بيقعد يتكلم مهذب لطيف مفيش مشاكل

تستنى بقى يكلمك مبيتكلمش
يبعت اس ام اس يصبح مبيصبحش
طب رنه و يقفل مبيرنش

و بعدين بقى؟؟؟

طب اومال هنتعرف ازاى
طب يعنى هنكسر الحاجز اللى بيننا امتى

هيكلمنى يعنى يوم كتب الكتاب و لا ايه؟؟؟؟

طب اكلمه انا؟؟؟ لا يختى ميصحش

طب ارنله؟؟؟ يوه يادى العيبه لا يقول عليا بخيله

طب ابعت رساله؟؟؟ و هيا وصلت للرسايل؟؟ده انا من عيله محافظه برضه

طب انا هقوم اكلم طنطن بقى اسلم عليها جايز يطلع قاعد جنبها و تديهولى!!!

يا حلاوه

هوا مينفعش ف الحاله ديه البنت كده تجمد قلبها و تكلمه؟؟

الو ايوه يا فلان عامل ايه النهارده؟
ها بكره الجمعه
متنساش بقى قراءه سوره الكهف
و يعنى يمكن يقول لك نشاطك ايه يوم الجمعه
و اهو كلمه منك كلمه منه الحاجز وقع منه طوبتين

يومين و بعتى رساله انشالله حتى دعاء
هتلاقيه باعت جزاكى الله خيرا و انتى صحتك عامله ايه النهارده
طب سلميلى على عمى

اربع ايام يمكن قلبه يتوغوش و يتكلم
متكلمش رنى و اقفلى

هيتكلم يا خبر
اصلى كنت برن على صحبتى اللى فوقيك
معلش انا ازعجتك؟؟؟
لا ابدا انا بنبسط لما اسمع صوتك
طب مش بتتصل بيا ليه؟؟؟؟(قوى قلبك يا بنت)
انا بخاف ازعجك
اتصل و لو ازعجتنى هقول لك

خلصونا بقى عاوزين نشوف اتنين غيركو
موراناش غير مشاكلكو و لا ايه؟؟؟


ما رايكم دام فضلكم؟؟

العريس الخجول العروسه تتعامل معاه ازاى

مع العلم انها لا تتدلع و لا تخضع ليه بالقول
كمان عنوان الموضوع مرفوض لان ملوش يمسك ايدك يا هانم و لا تمسكى ايده عييييييييييييييب
عييييييييييييييييييييييب

فيه حدود للخاطب مع خطيبته

بس السؤال

ينفع البنت تاخد الخطوه الاولى؟؟؟