احم احم
انا عارفة يا عمصمص انك نزلت اغنيتك الجديدة الواد بطنه بتوجعة
بس بقى انا قررت اني انافسك في السوق
وهنزل انا كمان اغنيتي الجديدة
وبنفس الاسم(دي بقى بجاحة بس مش مشكلة ولا يهمن ا)
بس برضه يهمنا نسمع رايك علشان انت شاعر كبير ولازم تشجع الشعراء الطوليعية(ايون انا لسة شاعرة طوليعية ومطربة طوليعية ومحتاجة تشجيع ودفعة
مش دفعة توقعني عالارض ياعني علشان انا عارفة ان في نجعاوية ماهتصدق انهم يوقعوني
لا انا قصدي دفعة الى الامام
ها نبدا
احم احم(والله الواحد كان شربله كوباية ينسون ولا حتى عصير برسيم)
الواد بطنه بتوجعه
وعايزة لقمة تشبعه
الواد بيقول جعان (الكورال يردد اه اه اه اه اه )
مش لاقي جوز سمان( الكورال يردد ايضا اه اه اه اه )([
color=#ff0000]وبالنسبة لمشكلة السمان فقد صرح وزير الشباب والرياضة انه اللي هيقترب من سمانه ابو تريكه[/color] هيتعرض للعقوبة الشديدة ومن جانبه صرح وزير التربية والتعليم عن طرح هذه المشكلة في مناهج الثانوية العامة وايضا ادلى وزير الصحة الهضبي انه منذ ظهور انفلونزا الدجاج السمان جاله تخلف عقلي واتصاب بالمرض وماخدش باله انه حشر نفسه في اللي مالوش فيه وانها اسمها انفلونزا دجاج مش انفلونزا سمان وانه سيتم بحث الموضوع مع وزير الداخليه علشان يشوفوا هجرة السمان هل هي شرعية ولا لا وهل بيتعرضوا للكشف في المطار وايضا قرر بحث الموضوع مع وزير الاسكان ووزير البيئة ورئيس مجلس الشعب ومعتز الدمرداش واحمد بهجت وع هيئة النظافة شفتوا احنا ازاي بنطبطر عالنعمة وان احنا اي حد عندينا في اي موقع مسؤلية بيهتم لمشاكل الوزارات الاخرى واللي مش ليها علاقة بوزارته او حتى حتى لمجاله بجد احنا شعب معندوش دم عايزين ايه تاني) ايه دة دة انتوا نسيته الاغنية نرجع تاني ونقول
احم احم
الواد بطنه بتوجعه
وعايز لقمة تشبعة
الواد بيقول جعان (اه اه اه اه اه اه اه)
مش لاقي جوز سمان( اه اه اه اه اه )
يا حبيبي يا ضي عنيا
عندك حبه طعميه
اطفحهم عالطبلية
وابقى سيقها وراك
طبعا بالنسبة للفظ اطفحهم فهذا بيدل على شدة حب الحبيبه للحبيب المحبوب من قبل االحبيبة التي ايضا قد قامت بحب كل المخلوقات التي يمكن ان تحب ولذلك فان الحب المحبوب افضل بكتير جدا من حب الشباب
وبالنسبة لفكرة سيقها وراك فمن الواضح ان الشاعر كان يقصد ان المحبوبة لم تعرض على حبيبها الطعميه الا لاحتياجها الشديد في انه حد يسيق لها الطبلية ومن هنا كانت نظرية العرض والطلب والمبدا الميكيافلي والنسبية الاينشتانية وان مساحة المربع بالنسبة لمساحة المستطيل هتساوي
1/4القطر في 1/2طول القاعدة

ونكرر اعتذارنا الشديد للمؤلف العظيم عمصمص بس لابد من جانبه تشجيع الشعراء الطوليعية(ولا ايه )