بتقرا الدستور ؟؟؟
بتقرا مقالات ابراهيم عيسي و بلال فضل ؟؟

انا الحقيقة باحب اقرا الدستور جدا خاصة لما كانت اسبوعية /scenic
دلوقتي الاصدار اليومي ده باحسه سخيف ( مش عارفه ليه .. )

كنت باحب في الدستور شكلها الجرئ الجديد

كنت باحب تجربتها الشابه ان كل المحررين شباب و ده عمل روح مختلفة

كنت باحب اقرا مقالات ابراهيم عيسي و بلال فضل و صفحة خالد كساب ( مع اني شايفه من اكتر الشباب الخنيق بس الصفحة حلوة ) :] :] :]




المهم يعني - بعد الكلام اللي مالوش لازمة اللي فوق ده - انا عايزه اقول ايه ..

اه انا لاحظت حاجة ان بعد لما تقرا الدستور
الحاجة الوحيدة اللي بتلاحظها
بعد ان كل الاحوال زي الزفت و الحمد لله

انهم بيتكلموا ان كل مشكلتنا بتتمثل في حاجة واحدة بس الا و هي إن ..
( محمد حسني مبارك ) هو رئيس الجمهورية
فقط لا غير

و ان الوضع ده لو اتغير ..
هيبقي قشطة اوي و هيوزعوا اللحمه ع التموين و هتبقي الحياة علي رأي عمرو اديب "فله شمعة منورة" و هتتحول مصر من دولة عالم تالت لدولة عالم اول ده غير طبعا ان احنا هنطلع لكاس العالم 2010 و جايز نعدي لدور التمانية كمان

بس انا شايفه- من وجهة نظري يعني - ان دولة زي مصر متخلفة
مش بس علشان رئيسها " ........ "

و لكن كمان علشان الشعب اللي هو انا و انت و عم محمد البقال و ابلة سامية مدرسة الرسم فينا صفات و عادات سيئة او علشان نكون صرحاء ( قميئة ) /wik :to2to2:

زي ايه ؟
يا راجل هو ده سؤال

النفاق ..الكذب ... الغش .. الرشوة .. الواسطة ... ماعندناش اختراع اسمه طموح .. ما عندناش حب للتغيير ... التقدير المبالغ فيه للنفس .. مفيش أي عمل جماعي .... و القائمة تطول



***************

الكلام سهل و كتير
بس ايه اللي بيجري بعده
في الهوا قوام يطير
يبقي كله زي بعضه

معبرة اوي الاغنية دي علي فكرة ..
انت لو شفت أي حد من بتوع المعارضة
هيقول لك انا بنادي بحرية الفكر و حرية التعبير و و تداول السلطة و مش عارف ايه !

تيجي تلاقيه في حزبه دكتاتور و بيبرر ده بموضوع ان احنا في ظروف استثنائية
و لازم رمز يبقي عنده 80 سنةو الناس تلتف حوله و حاجات زي كده




بلاش بتوع المعارضه ..

احنا لو رحنا لاي حد كده و قولناله هتمسك رئيس جمهورية تفتكر الوضع هيختلف
هنروح للحاج برعي عبد البديع السيد و قولنا له ها هتمسك رئيس الجمهورية
تفتكر الحال هيفرق كتير يعني ؟؟!!!

طبعا هينطلق في البداية : حرية و ديمقراطية و البلد هتمشي حلاوة لو انا مسكتها

في حين تلاقي الحاج برعي ده رئيس مصلحة

بيصدق مين اللي بيوالسوه و اللي بيريحوه و اللي بيقولوا له اه علي كل حاجة بيعملها ( زي مين ؟ )

لو عنده فرصه انه يجيب حد من قرايبة في وظيفة جمبه ( زي مين ؟ )

ما بيسمحش بحرية الراي لمراته و وولاده ( لا هو ده بيسمح بحرية الراي لولاده و لمراته .. مش زي مين ؟ )

كل همه انه ينفذ فكره الشخصي و يتدخل في كل كبيرة و صغير

كل همه ان انا لما امشي من منصبي الناس هتقول انا عصري كان عصر رخاء و لا لأ ( ازهي عصور الديمقراطية )

يعني من الاخر
مش فارقة سينا من سونيا !!



و هنا بييجي سؤال اللي بيجمع نفسه ( لانه لو طرح نفسه هيساوي صفر ) .....

هل التغيير الصح بيبقي من فوق و لا من تحت ؟؟
او تعالو نعيدا اعادة صياغة السؤال
هل كنس السلم بيبقي من فوق و لا من تحت ؟؟