عملت اضافه موضوع جديد وخرجت

ودخلت تاني وخرجت

ودخلت تاني وقررت اني اكتب


هكتب ايه؟


مش عارف


طول عمري بدخل وانا مش عارف انا هكتب ايه

عاده الكلام بيدلق من الكيبوورد اول لما اقرر اني هكتب

طبعا انتم فاكريين المشروع الفاشل بتاع لمصلحتك لا تدخل هذا الموضوع


بالرغم من فشل السلسله الا اني بحبها اوي

على الاقل كنت بستريح من كتابه العنوان

كان كده كده تيمه العنوان محفوظه

والكلام اللي جوه غالبا ملوش دعوه بالعنوان

بس مكانش بيهمني

لاني في الاخر بكتب كل اللي انا عايز اكتبه في اللحظه دي

وهي دي كانت الميزه

اني بكتب اللي انا عايز اكتبه

بس خلاص

الناس زهقت ومعادتش بتدخل المواضيع

ده غير ان مستوايا انا في الكتابه انخفض لدرجه اني مبقيتش بستمتع باللي انا بكتبه

كنت ناوي اكملهم 500 موضوع

بس معرفتش اكمل حتى 10 مواضيع

هو ده الفشل بعينه :]

على العموم ممكن ادي لنفسي فرصه تانيه وارجع اكمل السلسله

بس ده يتوقف على رايكم انتم

بصراحه هو مش بيتوقف على رايكم ولا حاجه

انا عارف ان كل اللي هيدخل هيقول لازم تكمل ولازم ترجع و الخ الخ الخ

99% بيجامل

1% عايز يقرا المواضيع دي تاني

على العموم انا هكمل اي كان رايكم

او ممكن اعمل سلسله جديده اسميها (نقطه ومن اول السطر).

بصراحه لسه مقررتش
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ

قبل ما امشي عايز اقلكم ايه اسعد حاجه حصلتلي من سنه تقريبا.

النهارده وانا بفتح الياهو لقيت رساله من صاحبنا الجديد مسلم بيناقشني في الرد اللي انا رديته على موضوعه ومتعرفوش اد ايه انا كنت مبسوط.

اخيرا حد لقى ان رايي مهم لدرجه انه يناقشه معايا في رساله خاصه

بجد بجد شكرا يا مسلم.


انا ماشي مين جاي معايا؟