[size=10pt][size=10pt]قبل ما ابدأ كلامي انا هقول حاجه

ان اللي هقوله مش خوف ولا حاجه

يمكن تكون مشكله ف النطق او حاجه

محشوره ف معدتي خلتني اقول حاجه

مش صعبه ف فهمها لكن في حاجه

محتاجه في شرحها اني اقول حاجه /scenic

وعشان اقول عنها لازم اجيب حاجه

من عند صاحب مقام مش عالي ولا حاجه

الناس تشوفه بس يحصلها حاجه

مع انه ف الاصل ده ميساويش حاجه

وعشان يفوت حضرته يقفل متين حاجه

وعشان يعيش حضرته يبيع له ميت حاجه

وعشان ينام حضرته ينهبله كام حاجه

وعشان ولاد حضرته لازم يسيب حاجه

صحيح مش اد المهام لكن اهي حاجه

محسوبه في تركته لو حد قال حاجه

ايه يعني حته بلد حكموها او حاجه

سرقوها من ارضها وباعوها بالحاجه

يكفينا شر السؤال والعوزه والحاجه

الشعب طور ساقيته مابتديناش حاجه

بنجيبله حتى العليق بالحيله والحاجه

ذلوك وذلك عزيز ع قلبي يا حاجه

اصلك كريم يا بلد لكن في حاجه

شداك دايما لورا رغم انها حاجه

ومش هتنجى من ذلها الا اذا حاجه

شيلناها من نفسنا وقولنا في حاجه

ولو ان في حاجه لو تتقال ف وقتها تعمل متين حاجه

يبقى مفيش حاجه تستاهل اللي اتكتب او حتى في حاجه

طبعا ده كلام عجب ولا فيش ولا حاجه /wik

غايبه عن اللي فهم بس ان فهم حاجه
[/size][/size]