شباب فافى روش ..

جيل ما يعلم به الا ربنا ..

شباب تافه ..

شباب مش عارف مصلحته

كل اللى هامه يلبس ايه ويشرب ايه ويحلق لى كبوريا

تبص للواد من دول ميدخلش فى زمتك بتلاته تعريفه

اه اه اه فين ايام زمان .. وشباب زمان يلا زمن وعده


اكيد كلنا بنسمع كلام زى ده كتير ..

ابوك وامك فى البيت ..

المدرس فى المدرسة ..

الدكتور فى الجامعه ..

الناس فى الشارع ..

حتى عم عبده السباك فى الشارع ..

ولما كنت اقول الشباب فيهم خير كبير بس عاوز اللى يوجهم ..

اجارك الله من الكلام اللى كنت باخده

لكن لما لقيت الطالب بلال دياب لما وقف بكل جرأة

وقال لرئيس الوزراء افرج عن مصر ياريس

وكمان لما الداخلية اختطفت إسراء عبد الفتاح لمشاركتها فى الدعوة لاضراب 6 ابريل

وسجنت لمدة 15 يوم وافرج عنها بعد تدهور حالتها الصحية

........

قولت فى نفسى ممكن رياح التغيير فى الايام القادمة يقودها الشباب

بكل حماسه وجرأة أمثال بلال واسراء

اما مازلنا نحتاج الى معجزة وليس للشباب لاصلاح حال البلاد

لكن ..

لما بحثت اكثر لقيت ايام صعبه على الحكومه ..

وصعبه قوى يقودها الشباب

على الانترنت فى مدوناتهم وفى المنتديات والمواقع (فضائح للحكومه .. ومطالبات بالاصلاح والتغيير .. )


ولكن يبقى التساؤل هل يريد الشباب التغيير .. ؟

واذا كانت الاجابة نعم .. هل يستطيعون ..؟

واذا كانت الاجابه نعم .. هل سيؤيدهم الشيوخ

واكيد لو أيدونا ..مش هنكون شباب تافه


شارك برايك هل يستطيع الشباب ان يقودوا التغيير فى مصر ؟

.......................
الفكرة منقولة

وأكيد يا جماعة انا من الشباب دا ومنن الجيل اللى ما يعلم بيه الا ربنا دا

ف حاب اشوف وجهات النظر وبكل صراحة