طبعا الشرع اباح التعدد

ولكن المشكلة ان الرجل فاهم التعدد غلط بشكل فظيع

فاهم انه كل ما يشوف واحدة وتعجبه او يحس انه زهق من زوجته ممكن يروح ويتزوج بغيرها

وتلاقيه بيهدد بالزواج من اخىرى في اوقات كتير وده حقي ومعرفش ايه

وحتى هي مش من حقها انها تعترض

لكن ده طبعا غلط والشرع اباح التعدد في حالات معينة وطبعا معروفة

وكمان لازم قبل ما الزوج يفكر في الزواج باخرى انه ياخد راي زوجته واهلها ولو وافقوا ساعتها بيكون من حقه انه يتزوج

لان الشرع مسمحش بالتعدد لاذية الزوجة ونفسيتها

المهم بعد الرغي ده كله والمقدمة الطويلة دي جه وقت اسئلتي

ياترى لو اتقدملك رجل متزوج توافقي عليه ؟ وبالذات لو لقيتي فيه كل المواصفات اللي بتحلمي بيها من اخلاق وتدين ولباقة ووسامة؟

ولو انتي الزوجة الاولى وزوجك حب انه يتزوج وطلب منك ده هل هتوافقي ؟وياترى ليه في الحالتين؟

وللرجل يا ترى ايه الفرق بين الزوجة الاولى والثانية؟ وهل هتقدر انك تعدل بينهم؟

وهل ممكن انك تفكر في الزواج بواحدة تانية ؟وليه في الحالتين بردو؟


ويلا يا جماعة مستنية النقاش