انا من فترة وانا عاوزة اكتب الموضوع ده

دخلت وكتبته مرة وبعدين مسحته تاني لاني حسيت انه عاوز طريقة اجمد من كده

دخلت وكتبته تاني وبعدين مش عجبني ومسحته تاني

ودخلت وشرعت اني اكتبه وبعدين حتى مش بدأت بس المرة دي انشاء الله هكمل وهدوس ارسال

طبعا "المال والبنون زينة الحياة الدنيا"

وكل واحد بيحلم باليوم اللي هيكون فيه اب

وكل واحدة بتحلم باليوم اللي هتكون فيه ام

طيب سؤالي هنا

تقبلي انك تتجوزي رجل لا ينجب؟

وانت تقبل انك تتجوز امرأة لا تنجب؟

يعني اذا كنت بتحب واحدة جدا جدا جدا وهي كمان وبعدين بعد الزواج عرفت انها مش هتكون ام في يوم من الايام ايه هيكون موقفك

وانتي ايه هيكون موقفك

ولو هو اللي مش بينجب ايه هيكون موقفك

وانت ايه هيكون موقفك

ياترى هتقدروا تستغنوا عن الاطفال وحبكم يكفيكم ولا ايه هيكون تصرفكم

يا جماعة فعلا انا شايفة ان الموضوع ده مهم جدا

ومستنية آرائكم