ازيكو يا جماعة ايه اخباركو ؟ يارب تكونو تمام وزى الفل

المهم بقى انا عايزة اقولكو على حاجة بقى مهمة

احنا عارفين ان الشباب والصحابة وحتى الاطفال اللى فى زمن الرسول عليه الصلاة والسلام كانو بيحس دايما ان عليهم مسؤليه ودايما كانو بيحمله نفسهم مسؤليه ويحاولو انهم يخدمو الدين

ابسط مثال زى ما احنا عارفين ان معاذ رضى الله عنه هو اللى قتل ابو جهل وكان عايز يخدم الاسلام مع انو لسه كان صغير على انو يمسك سيف اللى اتحدى دلوقتى حد من الشباب او بلاش الشباب حد من الاطفال اللى عاندهم 11 سنة يمسكوه

دلوقتى احنا لما بنسمع سيرة الصحابة بنقول (واحنا هنيجى ايه جنبهم ولا عمرنا هنقدر نعمل حاجة )

يا فرحــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ تى .....يا فرحتى

لاء طبعا المفروض ان الواحد لما يسمع سيرة حد ياخدوه قدوة ويحاول يقلده

هنقول (طب واحنا هنقلدهم ازاى ؟ )

بصو يا جماعة كل واحد هنا عليه مسؤليه (كلكم راع وكلكم مسؤل عن راعيته )

كلنا مسؤلين من اول الحاكم لاغاية الخادم .............من اول الزير لاغاية الغفير

كل دووووووووووووول عليهم مسؤليه

مهو لو كل واحد شايف اللى عليه قبل ما يدور على اللى ليه مش بقى ده حالنا دلوقتى

عمرك فكرت انك تخدم بلدك ودينك ؟

**اكيد فكرت

بس عمرك اخد خطوة واختخا بجديه ؟

***ما افتكرش


هتقولو (طب واحنا فى ادينا ايه نعمله للبلد والدين؟ )

هاقول ابسط مثال كل واحد اللى فى ايدو حاجة يراعى ربنا فيها ويتقن عمله

يعنى ابسط مثال

الطالب فى ايدو انو يزاكر بضمير ويجتهد "بلاش الكاروتيشن ده " عشان على الاقل يفرح والديه وانو يدعى ربنا ويقول (يااااااااااااااارب خدمة لك وللوطن )

الدكتور مهو لو شايف شغله كويس وبيراعى ضميره كان اخد بالو من ارواح الناس اللى بتروح هباء بسبب اهمال الدكاترة
(لاء والذ حاجة بقى اننا بنقول الحكومة الحكومة .....الحكومة عملت الحكومة سوت ...الحكومة السبب
اصل لو الححومة بتراعى ربنا مش كان بقى ده حالنا )

يا سلام طب ما تراعى انت ربنا الاول فى اللى تحت ايدك وبعدين ابقى شوف الحكومة بتعمل ايه

شوف اللى عليك الاول واعمله باتقان وبعدين ابقى حاسب الناس والحكومة

طب بذمتكم الحكومة هى السبب فى ان الممرضات يسيبو المرضى يولعو ويقعدو يتكلمو عن الطبيخ والغسيل والمسيح؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟

طب بذمتكم الحكومة كانت مسؤلة على ان بتاع اللبن بيغش فيه ؟ وان الناس مش بقى عاندها ضمير

طب عشان بس تصدقونى ان لو كل واحد عمل اللى عليه قبل ما يشوف اللى ليه هتبقى الدنيا دى ايه

لو الدكتور شاف شغله كويس مش كان بقى فى مشكلة فى الصحة
لو المدرس فى المدارس الحكومية راعى ربنا وضميرو وحضر الحصص ويدى الطلبة بضمير مش معتمد على انهم عاندو فى السنتر ولا الدرس وان كدة كدة مرتبه هيوصله

لو حتى الكناس اللى فى الشارع اللى تبعا تبعا تبع اروروبا 2000 ده شاف شغله كويس وبطل يكنس التراب ويركنه على الرصيف كان شوارعنا بقيت نضيفا (لاكن هو يكنس الشارع ويحط التراب على الرصيف واى حبه هوا هووووووووووووووووف تلاقى الشارع رجع زى الاول )

لو احنا حتى نبطل نرمى الزبالة فى الشارع زى ما مش بنرميها فى بيوتنا ونبطل نقول "يعنى هو احنا اللى هنصلح الكون ؟ يعنى هى جات على الورقة دى ؟ "

لو بطلنا نحط الحكومة شماعة فى كل المصايب اللى بتحصلنا دى

طب يا جماعة مش فى حديث عن الرسول بيقول ((كيفما تكونو يولى عليكم ))

يعنى لو الحكومة بايظة فده بسبب عمايلنا السوده وذنوبنا وده سبب غضب ربنا علينا

وكمان مش الحكومة دى ناس مننا بردو طيب اذا كنا احنا مش بنشوف شغلنا كويس عايزين الحكومة تعملكو ايه بقى ؟ مهو هم كمان مش يشوفو شغلهم كويس زيننا

ولا هم من كوكب عطارد واحنا هنا من الارض ؟ ولا هم من اكريكا واحنا من مصر ؟

طب مهو فيه خطبة عن شداد ابن اوس بتقول ((........وان الله اذا اراد بالعباد صلاحا عمل عليهم صلحاؤهم وقضى بينهم فقهاؤهم وملك المال سمحاؤهم ..............))

وطبعا ده كلو مش موجود دلوقتى لان ربنا مش رايدلنا الخير طول ما احنا كدة ((ان الله لا يغير ما بقوم
حتى يغيرو ما بانفسهم ))

يعنى باختصار لو كل واحد شاف شغله كويس وراعى ربنا فى شغله وبيتو ومزاكرته وعياته ومدراسته وكليته ولو كنا لسة متمسكين مبمادىء ديننا واسلامنا وقرانا ومش خضعنا ووقعنا تحت تاثير الغرب مش كان ده بقى حالنا

اه صحيح بمناسبة الغرب ..........................

الغرب اللى كنا احنا يا مسلمين سبقينهم بنصصصصص قرن

دلوقتى هما سبقونا بردو بنص قرن

زمان كانو بيجو عندنا ياخدو الدكتوراه من هنااااااااااااااا دلوقتى احنا بنروحلهم عشان ناخدها من هناك لاء وبنفتخر بكدة نقول (فلان اللى اخد الدكتوراه من امريكا جيه ...فلان اللى اخد الدكتوراه من امريكا راح )
الناس كلها بتتقدم من حولينا وبتسبقنا واحنا لسه يا عرب ضهرنا للحيط .........لسة واقفين محلك سر

عارفين احنا زى ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

احنا عاملين زى الواحد اللى واقف فى نص الطريق السريع والعربيات بتجرى من حوليه باقصى سرعة وهو واقف يتفرج ...بس لو فضل واقف ومش مشى فى التيار ده هيداااااااااااااااااااااا ااااااااااااااااااااااااا ااااااااااااااااااااااااا ااااااااااس
احنا لازم نمشى مع التيار خصوصا لو كان التيار صح .....ابسط مثال مش احنا بنلاقى الشجر فى الشارع هادى كدة ولما بتيجى رياح بيميل معاها؟ يعنى مش بيميل عكس التيار ..لانو لو مال عكس التيار هيتكسر

احنا بقى لا بنميل عكس التيار ولا بنعمل حاجة احنا لسة محلك سر

طب بالله عليكو مش عيب ....مش عيب علينا يا مسلمين يالى احنا معنا العلم والدين ومعانا مبادىء الدين وسيرة الرسول صلى الله عليه وسلم واخلاقه مش نتعامل بيها ؟؟؟؟؟؟؟

هتقولولى ايه ..................ازاى ده ؟

هقولكو فى المواصلات العامة هل بنتعامل بيها ؟؟؟؟؟؟؟؟؟؟

هل بنتعامل باخلاق ونحافظ على مشاعر بعض فى تعاملتنا ؟؟؟؟؟؟؟؟؟

ده الاجانب بيتعاملو بيها وهم لا معاهم الدين ولا حاجة ولو روحته شرم الشيخ واتعاملتو معاهم هتحسو بالفرق على الاقل ملتزمين فى مواعدهم (بس طبعا سيبكو من مناظرهم وكدة بس يعتبر ان تلات تربع البنات دلوقتى بيقلدوهم لاسف بيقلدوهم فى الحجات الغلط والحجات الصح لاء )

طب حاولتو تفكرو ليه امريكا بقيت القوة الاولى فى العالم ؟

لو تفتكرو ازاى المانيا قامت بعد الحرب العالميه التانية ؟

قامت بالشعب نفسو الستات كانو بينتشلو الصخور من بين التراب والرجالة بيبنو وبداو يزرعو ويعملو اكتفاء ذاتى وبصو دلوقتى بقو ايه

وامريكا شعبها هو اللى قام بيها ...كلو حط هدف قدامو وعملو خطوات عشان يحققه

وبيعلمه ده لاطفال من سن 6 سنين انهم يحطه هدف ويتحمله مسؤليه وتشوفو الشباب هناك بيشتغله فى الصيف اى حاجة سواء كان فى كافتريا عاندهم الشغل مش عيب لاكن احنا لاء احنا عايزين مكاتب نقعد عليها بعد ما بنتخرج (سيبكو من الموضوع ده انا هاتكلم فيه مرة تانية )

المهم ان فىبيت شعر بتقول ((اذا الشعب يوما اراد الحياة فلا بد وان يستجيب القدر ))
((اذا الشعب يوما اراد الحياة فلا بد وان يستجيب القدر ))

يعنى الشعب هو اللى هيقوم بنفسه وهو اللى هينهض بلاش نستنى ان حد ياخد بادينا

غير نفسك غير اللى حاواليك ...اتغير لاحسن ....مش تسكت على الغلط

يا ريت نحافظ على شروط الافضلية اللى ربنا خص بيها امه محمد ((كنتم خير امة اخرجت للناس تامرون بالمعروف وتنهون عن المنكر وتؤمنون بالله ))

*الامر بالمعروف

*النهى عن المنكر

* الايمان بالله

لو احنا فاهمين التدين والدين صح بردو مش ده كان بقى حالنا
المشكلة اننا سطحين بنهتم بالشكليات اكتر من الجوهر يعنى لو كنا فاهمين الدين صح لو لقينا حاجة غلط بتتعمل قدامنا مش هنسكت كنا هنتكلم ونقول لاء ونامر بالمعروف وننهى عن المنكر مش نقول (لا ياعم وانا مالى خلينى فى حالى احسن ))
ده حتى لو نفتكر القصة المشهورة ان كان فى بلد كلهم فاسقين ومش كانو بيعبدو ربنا بس كان فيها واحد بس اللى مؤمن بالله وبيعبد ربنا ليل نهار وبيعمل باوامره وبيبعد عن النواهى

ولما ربنا امر ملك انو يخسف باهل القرية دى الارض ويحل بهم العذاب الملك قال لربنا ان فيها واحد مؤمن فربنا سبحانه وتعالى قال ابدا به

تفتكرو ليه؟؟؟؟؟؟؟؟؟؟

عشان هو اى نعم فضل يعبد ربنا ويصوم ويصلى ومن البيت للجامع ومن الجامع للبيت لاكن مش نهى اهل القريه عن الغلط ولا امر بالمعروف ولا نهى عن المنكر

عرفته بقى خطووووووووووورة الموقف

عرفتو بقى احنا بقينا كدة ليه
ياريت بقى دلوقتى مش نخلى الحكومة الشماعة بتاعة فشلنا وسبب سوء الحالة هنا لان ( كيفما تكونو يولى عليكم )

معلش يا جماعة انا عارفة انى رخمة وطولت عليكو بس انا بطلع اللى فى قلبى لاحسن زهقت من الناس