بجد ده اول موضوع ليا معاكم
بقالى فتره ياجماعه حاسه ان مشاكلنا كلها مفتحه على بعض
ياجماعه حد متابع امتحانات الثانويه العامه بجد احنا بقينا فى مأساه كل سنه الموضوع بيبقى افشل من السنه الى قبلها
امتحانات صعبه وكمان بتتهرب غير اللجان الى بتتباع وناس بتتظلم وناس بتاخد حق مش حقها
امسكوا الخيط من اوله واحد : واحد شاطر وجاب مجموع قليل عشان الظلم ياما اهله ياعينى هموتوا نفسهم ويدخلوه كليه خاصه ياإما هيدخل كليه مكنتش فى دماغه ومش ميوله هتبقى زيها زى غيرها زى معظمنا تقريبا
ياإما واحد هيشترى اللجنه وهياخد برده حق مش حقه وهيدخل كليه اكبر من قدراته ممكن ينجح بالوسطه ياإما يسقط سنين ويحول كليه تانيه سهله على قد قدراته او هيكمل غصب عنه ويتخرج واحد للبلد مش قادر ينفع نفسه ولا ينفع اى حد

تعالى بقه سواء الشخص ده او ده هيتخرج ياعينى مش هيلاقى شغل طبعا حكومه ده اكيد لو ربنا مبارك لاهله شويه هيعد سنتين تلاته ياخد كورسات لغه وكمبيوتر لغايه ميلاقى شغل فى اى مكتب ملاحى او شركه خاصه

وصلنا كده 24 او 25 سنه واحد لسه بيبدء حياته معندوش غير 300 او 400 جنيه كل شهر يدوبك بيصرف على نفسه خروج وهدوم ومواصلات ويريح اهله الى صرفوا عليه كل السنين دى عشان يعرفوا يفضوا لاخواته الى اصغر منه

هنا بقه لو عيله مش هقوله فقيره ولا متوسطه لا هقول مرتاحه ومثلا 3 افراد بس
مين يقدر الايام دى يجيب شقه لابنه فى الاسعار دى ويفرشها ويجيب شبكه معقوله ويعمل حفله على القد

وبعد كده يبقى الراجل عمل الى عليه ده غير بقه هدايا الخطوبه واعياد الميلاد وعيد الام والعديه والمواسم يارب رحمتك

وبعد كل التعب ده مين يقول ان الشاب ده الى من يوم ماتخرج وهوه مقتش ولاكسل فى مستقبله وبيقبض 500 جنيه يقدر يفتح بيت طول الشهر ويدفع ميه وكهربا وغاز وتلبفون وشحن موبيل ياسلام بقه لو جاب بمبينوا صغير عشان بفرح العيله
سنه سوده دوا وهدوم وغيار ولبن وكل ده مصاريف زياده غير مصاريف المستشفى والولاده
هيضطر يطلب من بابا الغلبان الى بيصرف على اخته الى لسه فى ثانويه عامه ولا حتى اعدادى او ابتدائى دروس ب500 جنيه فى الشهر
يعنى بابا كده هبفتح بيتين ويصرف على ابنه وامراته وابنهم كمان


ياسلام بقه لو بابا كبير فى السن شويه وهيطلع على المعاش هتعمل ايه العيله دى
ياجماعه ده انا بتكلم عن اسره من 4 افراد وقدرت تساعد ابنها
امال بقه العائلات الكبيره اللى متقدرش نقول عنهم ايه؟؟؟؟؟


الولد مش هيتجوز معهوش ياحبيبى يعمل كل ده واهله مش ناقصين
هيمشى مع بنت حلوه ويعشمها انه هيكون نفسه فى خلال سنه سنتين بكتير ويضحك عليها ويضحك على نفسه زهكذا ومش بعيد من الضغط والارف والزهق والياس يغلطوا غصب عنهم.او البنت يجيلها عريس ظروفه احسن واهلها يغصبوا عليها . والشاب يعينوا يجيله احباط واكتئاب

اكيد مفيش مببرر للغلط بس طب ايه الحل احنا كده وصلنا ل29 او 30 سنه هيتجوز امتى ويعمل اسره امتى

يعمل ايه يزهق من البلد والى فيها ويسافر شرعى وغير شرعى يتبهدل ويتمرمط ومش بعيد يموت ولا يغرق وحتى اهله ميعرفوش يلاقوا جثته يدفنوه ويقروا على روحه الفاتحه

حررررااااااااااااااااام والله يا نجعاويه حررررراااام الى احنا بقينا فيه

انا طولت عليكم بس بجد حال الشباب صعباب عليا جداااااااااا