بسم الله الرحمن الرحيم
قبل ما اكتب الموضوع ده فكرت كتير انى اعمل حاجه فى الركن بتاعكم تنفعكم واحترت كتير لأن الموضوع خطير جدا جدا
[color=#ff1dff]الموضوع بيتكلم عن التبرج
انا شوفت كتير من بنات اعرفهم ان البنت ممكن تلبس اى حاجه (موضه او حتى من اختراعها )وحتى ولو كانت الحاجه دى ديقه جدا عليها وبتحدد جسمها والمشكله فعلا فى الايام دى اللبس الضيق من عبايه او من جينز بقى الزى الرسمى لكل بنت او ست
المشاكل اللى بتترتب على لبس البنت او الست دى ايه
اولا الناحيه الدينيه بتصبح من اهل النار ( لا يدخلن الجنه ولا يجدن ريحها ) دى الكاسيات العاريات مش هتدخل الجنه ولا حتى هتشم ريح الجنه وكمان الايه بتقول فيها الذين فتنوا المؤمنين والمؤمنات اتخيلى لو نزلتى لحد البقال اللى تحت بيتكم كام واحد هيشوفك هتلاقى انك فاتحه حصاله زنوب او بدال ما تعملى صدقه جاريه بتعملى سيئه جاريه وكل ما واحد يشوفك متبرجه هو بياخد ذنب وانتى كمان



ثانيا من ناحيه تانيه لقيت ان معظم البنات مقتنعين بالنقاب والبنت تقولك اتجوز الاول او على الاقل اتخطب وبعدها انتقب او حتى اتحجب بس المشكله انها بتربط الحجاب بالجواز وصدقونى انا ليا بنت جارتى اتخطبت ولبست اسدال من بعد مشوار تبرج طويل واتخانقت مع خطيبها قلعت الاسدال ورجعت للتبرج تانى واتصالحت مع خطيبها لبسته تانى وحاليا البنت دى سابت خطيبها وكمان سابت الاسدال


ثالثا البنت المتبرجه دايما بتقع فى المشاكل اكتر من غيرها الملتزمه دينا وخلقا وكمان البنت المتبرجه بتتجوز وترتبط لشىء واحد حاجه واحده بس (جمالها) يعنى لا (دينها )يبقى ميعرفش ربه يبقى مش هيحافظ عليها ولا (حسبها ونسبها )يبقى معندوش اصل ومش هيدور على اهلها يبقى انسان مالوش امان ولا مستقبل ولا ينفع يكون رب اسره وان كان فعلا حبها (لجمالها )بس يبقى البنت دى لازم تتأكد انها هيكون ليها ضره بعد خمس سنين على الاكتر علشان دى تقريبا الفتره اللى بتكون فيها شباب وجميله ولسه العيال والخلفه وشغل البيت و.. و... مأثروش على صحتها وبعدها تتحسر على جمالها وتقول ايه اللى غيره ده كان بيموت فيا ايه اللى غيره لانها مستحيل تفضل جميله طول عمرها

وفى النهايه اتمنى ان محدش يزعل منى كل بنات النجع اخواتى وياريت كل بنت تفكر كويس فى كلامى
وعلى فكره ده مش رأى واحد رجعى ولا متأخر ولا متشدد دى الحقيقه اللى انا نفسى كنت بهرب منها لاكن الموت محدش هيهرب منه وربنا يكرمنا ويهدينا (ص)