اولا معنى التيت و الشريط
يعنى ننجز فى الكلام . عشان الموضوع النهاردا بجد هيكون عن حوارات بتحصل بس مضحكة شوية و بتدل ان الحب ساعات بيبقى نص كم و عشان كدا بيبقى حب فى الانجاز يعنى بياخد وقتة و يقلب

- مثلا الشاب النايس ال بيرتبط ببنت تكون غلبانة و بتحبة و هو ما بيحبهاش و معيشها فى الدور و انة بيحبها و هوا اصلا مدورها مع حريم تانيين و بيتعامل مع دى و دى . و البت يا عينى هيا الى مظلومة معاة ( دا بينى و بينكم كدا و متقولوش لحد اسمة ضربنى و بكا سبقنى و اشتكا)

- مثلا الشابة النايس الى تكون ضاربة معاد مع حبيبها و هيا منفضة شويتين و الشاب بقا مستنيها و هيا اتاخرت على المعاد و يرن عليها تكنسل و بعد ساعة ولا حاجة تجيلة تقولة اية بقا ! معلش يا بيبى اصلى كنت بيزى خالص و سيبت كل ال فى ماى هاند و جتلك كويكلى . يقوم الشاب الغلبان قايلها ولا يهمك يا حبيبتى انا علشانك استنا العمر كلة . (و دا بينى و بينكم اسمة كلة فى البظرميط)

- مثلا اتنين بقا مطرقعين و ارتباط و اصلى و تمام و قاعدين مع بعض فى كافية اولية و بتسبيلة من عنية السود يقولها حبيبتى انتى الى زقلطتى تكوينى الفكرى الى كون انبعاثى العاطفى الى ضرب ار بى جى و رشق فى فلبك و هيا تقولة و انت اول ما عينى فتحت بعد ما كنت معمية انطسيت فيك و الشعاع الروحى بتاعك قام غارز فى كلبى البوكسر(دا بينى و بينكم اسمة شهيصينى و اشهيصك)

- مثلا بقا واحد مجرم حوادث ماشى مع واحدة بوبى زية و بيئة دخلوا مثلا كافية كونتى قام منادى على المتر . و قايلة هوا المنيمم شارج عندكوا هنا كام . قالة 10 جنية للفرد حضرتك . طب شكرا يلا يا بنتى و قاموا رايحين قهوة عبد الاة و اتعاملو فى اتنين لمون و حجر معسل خمسوا فية و دا كلة ب 4 جنية (دا بينى و ببنكم اسمة يا زانقنى و جمبك فاضى )

- و فى بقا شاب نايتى ماشى مع واحدة انما اية بطل و هما ماشيين طبعا لازم يكون فى ناس بتلقح عليهم بكلام و ماشيين الاتنين فى مرة فى شارع فاضى طلع عليهم تلاتة جامدين كدا بقا حبسجية و قالولة هات الفلوس الى معاك ياض و سيبلنا البت . ما فكرش لحظة و قام مقلب نفسة و اداهم الفلوس و سابلهم البت و جرى (بينى و بينكم دا اسمة شاب تيتى تيتى زى ما روحتى زى ما جيتى)

- دى كانت كمية بسيطة من الحوارات الى بتحصل مع الحبيبة نص كم و يارب التوبيك دا يكون عجبكوا