[center]السلام عليكم ورحمة الله وبركاته
كيفكم يا نجعاوية، يارب تكونو بخير .
بصو بقى أنا كنت قاعدة كدة وفجأة (اللهم أجعله خير يعني ) جتني فكرة موضوع علشان أطرحه هنا
والفكرة دي ،زي ما باينة من إسمها، زمان ودلوقت، يعني ايه ؟
يعني نمسك حاجة، أي حاجة ونقول شكلها كان زمان إزاي وبقت إيه دلوقت.
والموضوع ده طبعاً عاوزين كلنا نكتب فيه علشان تبقى موسوعة كبيرة وجميلة وكلنا نستفيد من بعض (ده طبعاً بعد ما يعجبكو، لو معجبكوش هنخلي المشرفين يحذفوه من غير كلام)
واسمحولي أبدأ أنا علشان الرسالة توصل كاملة :].

شايفين احنا دلوقت طبعاً بنتراسل ازاي، موبايلات وميلات وفاكسات وفرح تكنولوجيا، تعالو بقى نشوف بعض أشكال البريد زمااااان، والشعوب والناس اللي عاشو قبلنا بسنين كتير كانو بيتواصلو إزاي.

## البريد المائي ##
كان يستخدم في زمن الحروب، وفيه يوضع البريد في صندوق محكم الإغلاق، بثقل معين حتى لا يطفو على سطح الماء |أو يغوص في القاع،
ثم يلقى الصندوق في النهر أو البحر، فيسبح حتى يصل إلى الجهة المراد وصوله إليها (مش فاهمة ازاي) فيقع في شباك معدة خصيصاً له.
ومن عيوب البريد المائي أنه يصدر من جهة واحدة بحسب إتجاه التيار (يا عيني )، لذلك كان البريد المائي من أقل وسائل المراسلة إستخداماً.


## بريد الإخفاء والتمويه ##
ظهر أيضاً هذا النوع من البريد في زمن الحروب، وكان هناك نوعان من البريد السري:
النوع الأول كان يتم فيه وضع الرسالة داخل إحدى ثمار جوز الهند بعد تفريغها، ثم يتم إلقاؤها في الماء، وبالتالي لا تسترعي نظر جنود العدو أو تلفت
إنتباههم، فأحياناً يظنون أنها سقطت طبيعياً من الأشجار، وأحياناً أخرى يظنون أنها سقطت من قوارب الصيد أو مراكب النقل.
أما النوع الثاني، فكان يتم وضع الرسالة داخل بطون الحيوانات الميتة أو المقتولة ، ويتم إلقاؤها في الماء فتطفو ويجرفها التيار للجهة المرسل إليها، التي تشق بطن الحيوان فتجد الرسالة المطلوبة.


## بريد الوشم ##
استخدمه الرومان أثناء الحروب، وكان يتم اختيار السعاة الفدائيين، فيحلقون لهم شعورهم تماماً، ويقومون بكتابة الرالة على جلد الرأس، وينطلق الفدائي على حصانه لتوصيل الرسالة بعد أن يغطي رأسه بشعر مستعار، حتى إذا ما وصل للقائد أخبره سراً بأمر الرسالة ويكشف له عن رأسه، فيقوم القائد بقراءة الرسالة المرسلة له، وقد يأمر بعد ذلك بقطع رأس هذا الساعي وسلخ جلده ثم حرقه خوفاً من أن تقع تلك الرسالة في يد العدو .

كدة خلصو الأنواع اللي جمعتهم بس أكيد لو لقيت تاني أو أي حد لقي يضيفهم .
سبحان الله، الحمد لله بجد ع اللي إحنا فيه، دي طرق رهيبة بجد، وأكيد معظم الرسايل دي مكنتش بتوصل.
ودلوقت بقى إحنا بنطلع القمر وبنتكلم من هناك ، سبحانك يارب.

متأسفة على الإطالة، وأتمنى تكون الفكرة عجبتكو وتتفاعلو معايا .
سلامي وتحياتي للجميع .
ويلا كل واحد يصلي ع النبي 3 مرات (ص) (ص) (ص)