دعوه للعرفان بالجميل الي أناس قد يكونوا قريبين منا وقد يكونوا مروا في حياتنا في دقائق معدوده ولم نرهم ثانيه
ونسينا أن نقول لهم شكراا



كتير ناس بيعدوا في حياتنا وبيقدموا لنا خدمه .. مساعده .. ممكن بعباره واحده منهم يدونا أمل في المستقبل ويخلونا نشوف الحياه ورديه غير ما كنا شايفنها قبل كلامهم

وبالرغم انهم قدموا لنا خدمه كبيره من وجهه نظرنا لكن بالنسبه لهم يمكن ميفتكروش انهم ساعدونا ولو قابلتهم بعد مده يمكن ميفتكروكش أصلا ( علي فكره ده من شيم الكرام , مساعده الاخرين وعدم تذكر ذلك المعروف لانهم معتادون علي فعل الخير )

ساعات بفضل أفتكر كل الناس الي ساعدوني في حياتي وهل شكرتهم ولا لا
يعني مدرسه في مدرستي كنت بحبها جدا لكن عمري ما شكرتها علي كل الي عملته معايا , واحده في الشارع مسكتني قبل ما أقع ومن ذهولي وقتها مفتكرش اني شكرتها , خالتى الى دايما بحكلها همومى وعمرها ما رفضت لى طلب ومع ذلك عمرى ما شكرتها

ايه رأيكم كل واحد فينا يدخل الموضوع يفتكر الناس الي ساعدوه في خلال حياته كلها ويشكرهم علي الي عملوه معاه ...
الموضوع متجدد يعني كل الي يحب يرجع يضيف حاجه او يضيف شكر لحد ميترددش في ده

عايزه يلا كل واحد يفتكر ويحكى /scenic