مره واحد بارد اوى ركب اوتوبيس لاقى واحدة حلوة اوى فى قاعدة فى الاوتوبيس غمزلها غمزيلتو ضحكلها ضحكتلو قالها انزلى المحطة اللى جاية نزلت راح قاعد مكانها

مرة واحد بلادياتنا دخل صيدلية قال للدكتور ادينى 5عيش الدكتور قالو حضرتك دى صيدلية البلديات قالو مليش دعوة انا عايز 5 عيش الدكتور قالو دى للادوية بس البلديات قال مليش دعوة انا عايز 5 عيش اخر لما زهق الدكتور راح يتكى لابن عم البلديات قولو عجبك كدة ابن عمك جاى بيقولى هات 5 عيش فى الصيدلية ينفع الكلام دا ابن عم البلديات قالو سيبك منو دا اهبل ادينى بجنية جبنة

مرة واحد اقرع خلف ولد سماه شعراوى

واحد مسطول سألوه عن رأيه فى الزواج المبكر رد قال : مبكر ، يعنى حوالى الساعة كام

مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف
وعشرين جنيه حشيش ، البوليس خبط علي الباب قطع العشرين جنيه بتاعة الحشيش

واحد بيقول : انا بردان من المكيف , رد عليه واحد جنبه وانا منصور من طنطا

واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد

واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لماما هقولك انت

واحد غبى اوى وحاسس انه غبى جدا , فقرر انه ينتحر ويرمى نفسه من فوق جبل , فجاله واحد قبل مايرمى نفسه وقاله
انت هتنتحر ليه , قاله انا غبى اوى وماينفعشى اعيش تانى , قاله لا يا عم انت حكمت على نفسك ليه ان انت غبى, انا هسالك 3 اسئله لو جاوبتها يبقى انت زكى. ماشى؟ , الغبى قاله ماشى , الراجل قاله السؤال الاول : حاجه من بره ابيض ومن جوه اصفر وبنقليها وبنفقشها واسمها بيضه تبقى ايه ؟؟؟ قاله معرفش شوفت بقى ان انا غبى , الراجل قاله استنى طب هسألك السؤال التانى بس ركز معايا : حاجتين من بره ابيض ومن جوه اصفر وبنقليهم وبنفقشهم واسمهم بيضتين يبقو ايه هما ؟؟ قاله الغبى معرفش ولسه هيرمى نفسه راح الراجل قايله استنى بس وراح قايله اخر سؤال : حاجه ليها جناحين وبناكلها واسمها فرجه تبقى ايه ؟؟؟ الغبى قاله 3 بيضات؟, الراجل راح خابطه بالراجل موقعه من على الجبل .....



16-ابو العربى واتنين اجانب كانو قاعدين فى الطياره , فمضيفة الطياره جاتلهم بتقول للاجنبى الاول نفسك فى حاجه تشربها؟؟ قالها نفسى فى عصير مانجه يا حتة مانجه .قالتله اوكى وجابتله العصير, راحت للاجنبى التانى وقالت برده نفسك فى ايه ؟؟؟ قالها عصير فراوله يا حتة فراوله قاللته ماشى وجابتله العصير, راحت لابو العربى قالتله نفسك فى ايه ؟؟؟ قالها نفسى فى كوباية لبن يا جاموسة

واحد صعيدي عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟

واحد غبي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الاخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "يا عم دول طالعين رحله .. انا طالع شغل