بصراحه ده مش موضوعي بس يخص واحده قريبه اوي مني وانا استئذنتها اني اعرضهولكوا
هي ارتبطت بواحد وهي في الكليه كان اكبر منها بسنتين بس هي اتخرجت قبله بسنتين
لانه كان بيسقط كتير
6سنين كده تعرفه و مستنياه اشتغل سنتين في مصر كلها مش لاقي نفسي ولازم اسافر
وطبعا عرسان طلعين نازلين وهي ترفض
المهم سافر بعد متفقوا علي انه هيتقدملها اول اجازه ينزل فيها بعد سنه
وطبعا عرسان طلعين نازلين وهي ترفض
لدرجه ان امها عرضتها علي المشايخ قالت يكون معمول لها عمل
بس البيه منزلش بعد سنه فضل يمد سنه ورا سنه بحجج فاضيه
ولان البنت طيبه وبتحبه استنته
بس العرسان قلوا اوي
اخيرا بعد 3 سنين البيه نزل وجه البيت يتقدم
رحب الاهل فالبنت كبرت والعرسان قلت
واخيرا بعد 11 سنه حب بقت خطيبته
وسافر واتفق مع الاهل ان الجواز بعد سنتين
السنه الجايه هينزل يشتروا الشقه
ويسافر ويبعتلها فلوس توضب الشقه ويرجع يتجوزوا ويستقر فمصر
بس اللي حصل انه نزل بعد سنتين اشتري الشقه
وسكت الاهل فالبنت كبرت والعرسان قلت
13 سنه فات الكتير مش باقي غير القليل
وبعد كده طلب منها انه ينزل بعد 3 سنين يكون عمل فلوس ينزل يعمل مشروع ويوضب الشقه ويتجوزوا
رفضت واتخانقوا واتدخل الاهل وطلبوا انه ينزل يتجوزها وياخدها معاه ويعملوا كل حاجه بعد كده علي مهلهم
وطبعا رفض واتحجج بحجج فارغه
اضطر الاهل للموافقه فالبنت كبرت ومفيش عرسان
وبعد سنتين وبدون اي مقدمات اتصل بيها وقالها كل شىء قسمه ونصيب

تفتكروا تعمل ايه بعد 15 سنه شارياه يبعها