**واحد تعرف على بنت اسمها زهره سألها إش اسمك؟
قالت: اسمي موجود في كل حديقة.
قال : أكيد اسمك مراجيح ؟!

**اثنين مصريين محششين واحد قال : تسدأ الدنيا دي مآســــي ...
قاله الثاني ليه أنتا بتلبس كام؟؟؟

**واحد خبيث قال للحرامي علمني السرقة وانا اعلمك الخباثة وافق الحرامي . قام الحرامي بسرقة محفظة من شخص امامه فقال انا علمتك السرقة والان دورك فصاح الخبيث حرامي حرامي ؟؟

مدرس سأل طلاب:
اللي يحس إنه غبي يوقف؟
وقف واحد فقاله المدرس:انت حاس إنك غبي؟
قال:لا بس قلت عيب اخليك واقف لوحدك!

دعي رجل لحضور حفل زفاف في احد الفنادق ، وعندما وصل الي باب الفندق
وجد بابان باب مكتوب عليه خاص باقارب العريس والاخر مكتوب عليه خاص باقارب العروسة
فدخل من الباب المكتوب عليه اقارب العريس ،
بعدها مشي خطوات فوجد بابان
احدهما مكتوب عليه خاص بالسيدات والاخر مكتوب عليه خاص بالرجال ،
فدخل من باب الرجال ومشي خطوات ،
فوجد بابان باب مكتوب عليه لمن يحمل هدية والاخر لمن لا يحمل هدية
وبما انه كان لا يحمل هدية فقد دخل من باب من لايحمل هدية
ومشي خطوات
فوجد نفسه في الشارع .

واحده وحشه بتقول لجوزها بكره عيد ميلادى . قالها هنقف دقيقتين حداد

مره واحده بتقول لجوزها "تصدق إن أنا كل يوم بحلم بيوم جوازنا" قالها "هى لسه الكوابيس دى بتجيلك؟"

واحد راكب عربية هو مراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية
مراته: لاانت كنت ماشي على الاقل على 200.
الرجل بص لمراته بحقد
الظابط: كمان الفانوس اللى ورا مكسور.
الرجل: مكسور! والله ما شفته
مراته: حرام عليك .. انت كنت عارف انه مكسور من كام اسبوع.
الرجل بص لمراته بحقد
الظابط: كمان مكنتش رابط حزام الأمان
الرجل: لأ كنت رابطه بس فكيته لما وقفت
مراته: لالال اانت عمرك ما ربطت حزام الامان
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كدا؟
مراته: لأ لما بيكون سكران بس


واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه
الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!"

نساء العالم اتحدن وقررن ان لا يقومو باى اعمال فى المنزل وبعد اسبوع تجمعو ليعرفوا النتائج الا ضراب فقالت الزوجة الفرنسية "انا قلت لجوزى ميشيل انا مش هعمل حاجة فى البيت الاسبوع دة كلة" وقالت "اول يوم ماشوفتش حاجة تانى يوم ماشوفتش حاجة تالت يوم بدا يغسل ويمسح" وقالى "انتى بتتعبى اوى يا حبيبتى".وقالت الزوجة الانجليزية "انا قلت لجوزى انا مش هعمل حاجة خالص فى البيت الاسبوع دة اول يوم مشوفتش حاجة تانى يوم بدا يعمل الاكل تالت يوم عشانى وغدانى برة." جت المصرية وقالت "انا قلت لابو العيال انا مش هعمل حاجة فى البيت الاسبوع دة" وقالت "اول يوم ماشوفتش حاجة تانى يوم ماشوفتش حاجة تالت يوم بدات اشوف شوية بعينى الشمال."

واحد بيقول لمراته ... انا النهاردة عايز رومانسية فى البيت ... راحت الزوجة سألت امها :
يعنى ايه رومانسية ؟؟ الام : مش عارفة بس احتياطى إنقعى الرز

مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه قالوا "هتعمل إيه؟" قالوا "هوديها الصين" قالوا "يا راجل فى عيد جوازكوا العاشر توديها الصين، أومال فى عيد جوازكوا الخمسة وعشرين هتعمل ايه؟" فقالوا "هروح اخدها"

واحد صيني عايزين يعذبوه فتحوا عينه

واحد مسطول واقف بالشارع يدق على عامود الكهرباء
......مر من حدو مسطول اخر :شو عمتعمل
صرلي ساعة بدق ما حدى يفتحلي
غريب بس الضو مشعول

إتنين مساطيل قاعدين قدام مراية، واحد منهم بيسأل التانى واخد بالك من الإتنين إللى قاعدين هناك دول؟ التانى وقف يشوفهم، راح زميله قاله خليك فى واحد منهم جاى علينا

واحد مسطول بيفتح التلاجة ..لقى الجيلى بيتهز...قالو متخفش انا جى اجيب عصير

مره واحد ماشي في جنازة مراته قاعد يضحك فالناس بتقوله انت بتضحك علي ايه قال لهم اصل بقالي 30سنه متجوزها اول مره اعرف هي رايحة فين

واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش.....

سألو واحد بخيل طحن: تعمل ايه لو الدنيا برد؟ قال: أروح جنب الدفاية. قالو: ولو الدنيا بردت أكتر؟ قال:أقرب من الدفاية. قالو: ولو بردت أكتر؟ قال: ألزق في الدفاية. قالو: طب ولو نزل تلج؟ قال: أشغل الدفاية بقى وأمري لله

واحد بخيل جاب ثلال تفاحات، فتح اول واحده لاقاها معفنه رماها، فتح تانى واحده لاقاها معفنه رماها.. قام طفى الضو واكل الثالثة...

واحد محشش قاعد مع اصحابه و بيحكيلهم: انا مره طلعلي اسد و كان في ايدي كباية ميه رميتها عليه فهرب الاسد، رد عليه واحد من اللي قاعدين قاله صح انا قابلت نفس الاسد ضربته قلم بايدي اتبلت بالميه...

واحد بخيل راح مع ابنه على سوبر ماركت، الولد جاب بسكوت وشكولاته وشيبس ابوه بيقوله شو هاد يا ولد!!! قاله بحبه يا بابا بحبه.. قاله لكان يلاّ بوسه ورجعه مكانه يا حبيبي انت