الموضوع ده مش جديد بس الحب ما بينتهيش والعلاقات فى الحب مش بتنهى بصورها بس اللى بيتغير شكل المصارحه بيه يعنى زمان كان الواحد وشه يصفر ويحمر لغايه مايشوف اللى بيحبها وبعد ين لما تضحكله يترزع تحت بيتها بالساعات لما تطلع عشان يشوفها ويمكن يتجرا و يديها جواب وكمان كان من الناس اللى ممكن يموت فى جلده انه يقول للى بيحبه انه معجب بيه
وفى ناس دلوقتى اسهل حاجه التظبيط ويدخل عليها جينتل ويقولها بصى انا معجب بيكى ونفسى نبقى مع بعض وتلاقيها هى كمان روشه وعايزه تظبط معاه وكمان ماشاء الله اهله واهلها روشين بيسبوهم مع بعض ويعملولهم واحد نيسكافى المهم دول مش موضوعنا
موضوعنا اللى بيكسف انه يصارح اللى بيحبها بحبه او حتى يرمى سلام
ومن دول فى انواع كتير
1- بيكسف يسلم عليها
2-سلم عليها ومكسوف يفاتحها والانتين مستهبلين وعاملين اصحاب
3-اتكلموا واتصاحبوا وصارحها بحبه بس ياكبدى طلعت بارده وقالتله (وبعدين هتعمل ايه يعنى فين الشقه والوظيفه والعربيه وجيشك اللى لسه هتخلصه)
احنا كده حكينا على كل انواع المكسوفين ياريت انتى بقى تشوفهم وتقولنا طريقه علاجهم
ولو حصلك موقف زى صاحبنا اللى البيحبها قالتله (وبعدين ) ياريت تحكيلنا على الموقف ده