بعد صراع مرير مع الاسره وبعد مكل يوم ارجع من الكليه والف قصص حصلتلي في المواصلات
اخيرا وفقوا يجيبولي عربيه وسالوني عايزه عربيه نوعها ايه كنت قنوعه جدا وقلت 127 بس تكون اربع باب وفعلا بعد حوالي ثلاث اسابيع جابولي العربيه وانا اصلا بعرف اسوق كنت متعلمه وانا في ثانوي بس مش معايا رخصه المهم يوم ماالعربيه جت خدتها ونزلت واخويا نزل معايا علي فكره اخويا اصغر مني باربعه سنين ودورت العربيه والشارع عندنا ضيق جدااخويا قالي خوديه بضهرك
وفضلت احاول مش عارفه لغايه مااخويا زهق ونزل مشي جنب العربيه ومسك الدركسيون وانا دايسه بنزين براحه واخويا ماشي جنب العربيه ومدخل ايده من الازاز ويكسر ويعدل لغايه مخرجت من الشارع ودخل ركب جنبي وسوقت وطبعا ماشيه مكلبشه في الدركسيون ولو حد قرب من العربيه وانا ماشيه اطلع من الشباك اقوله اوعي وطبعا مننساش الفرامل اللي بدوسها مره واحده بدون سبب ومليش دعوه بلورايا
كم من الشتايم سمعته ملوش عدد ودخلت في شارع زحمه والناس رايحه جايه قدام العربيه وافضل واقفه بس الناس مبتخلص واللي وراك مبيرحمش بيب بيب اخويا قلي امشى براحه وايدك علي الكلكس
منفذتش غير كلمه واحده امشي دوست بنزين ولقيت الناس طلعه تجري من قدام العربيه واخويا يقولي براحه بس كنت حاسه ان رجلي كلبشت علي البنزين والاقي اخويا طالع من الشباك وبيقول اجري يلا اجري ياحجهواخيرا رجعت البيت قولت ادخل الشارع بضهري عشان وانا نازله تاني ميبئاش الموضوع صعب فجاه سمعت دب ولقيت اخويا بيصرخ انت بترجعي من غير متبصي وراكي قولتله مانت باصص انا قولت ابص انا علي الدركسيون وانت تبص علي الشارع نزلني ورجع هو وركنها وكنت اول مره اعرف انه بيعرف يسوق بس هما الاولاد كدا يسوقوا من غير محد يعلمهم المهم نزل من العربيه وهو بيلعن سواقه البنات والعربيات


مستنيه ردودكم عشان لو عجبتكم هكتب تاني موقف