بسم الله الرحمن الرحيم

اخوانى فى الجهاد

جهاد اية دا

قصدى اخوانى فى المنتدى

احنا بقا يتنصب علينا احلى نصب دلوقتى يارداله ويانبابيتعن طريق شركة ياختى فون

واعلانات كتيرة وقليلة على القنوات الفضائية

دا حتى القنوات الاسلامية بقا بردة بيجى

عليها الاعلانات وانا بقا قاعدة اتفرج واشجب

واستنكرواعارض واقول لا لع لع مش معقول الشعب

نايم فى مية البطيخ والاعلانات بقا اشكال والوان

شوفو كدة

حاسس إنك لوحدك؟ حزين ومكتئب وجواك شعور

بإن الحياة لونها إسود مخطط بكحلي متلون برمادي؟

بتسمع كتير أغنية "عيد ميلاد جرحي أنا"؟ بتشتري

شمع ملون وتولعه يوم عيد ميلاد جرحك إنت

وبعدين تقف تغني - "الأيام الحلوة بتعدي في ثواني

عرفت سوسن وقالت لك إنها بتموت فيك

وبعدين شفتها بعينيك -اللي أكلهم الدود-

وهي خارجة حاطّة إيدها في جيب سيد صاحبك

والدك بيبص لك بصة بتحسسك بإنك "هريدي"

ولد عمه اللي في الصعيد اللي هيطخه عيارين عشان ياخد بتاره؟..

والدتك دايما بتحط "ورك الفرخة" لأخوك الصغير

رغم إنها عارفة إنك مش بتاكل حاجة في الفرخة إلا وركها؟



ماتترددش.. اتصل بينا على خط "الفضفض فون"

على رقم ".........." هنسمعك وهندلعك

وهنشخلعك وهنحميك وهنلبسك وهنكسيك

وهنسرقك وهنطلعك زي الفل كأنك جوزين حمام بالفريك..



"لو كنت بتدوري على أقصر الطرق إلى شباب

الجامعة، ونفسك تعرفي أسهل الطرق لقلب "عمرو"

و"لؤي" و"ياسر" و"رامي" و"حاتم"

عشان "تأنتمي" مع كل واحد فيهم يوم في الأسبوع

وتاخدي يوم الجمعة أجازة! -اتصلي بينا على ".... ....."..

لو كنت بتشعري بالحقد والغل والحسد تجاه صاحبتك

"عبير" الجميلة الأمورة الحلوة ونفسك تعرفي طريقة

تخليكِ زي القمر وأحلى منها مية مرة اتصلي بينا على "........"..

لو جربتِى كل أنواع الشامبو المستورد والمحلي،

واستخدمتِ كل أنواع الزيوت من أول زيت "شل"

لغاية زيت "التعاون" وفضل شعرك زي ما هو أنشف

من الليفة وهي على الشجر وأخشن من الحجر

وهو لسه على الجبل، اتصلي بينا على "........"

خط "ياختي فون" للماكياج والجمال والموضة..

"ياختي فون".. هيروشك وهيأيفك وهيخليكى

أحلى بنات الكون وأرق من كل الكائنات البرمائية

والزاحفة.. اتصلي الآن..

"مع ياختي فون.. هتخلي كل الشباب مجنون" !



"أخي الفاضل.. ندرك مصاعب ومشاغل الحياة التي

تعاني منها.. وندرك -أخي الفاضل- أنك بكل

تأكيد -أخي الفاضل- لديك الكثير من التساؤلات

التي لا تستطيع -أخي الفاضل- أن تبوح بها لأحد

خوفا -أخي الفاضل- من أن يمثل هذا

لك -أخي الفاضل- حرجا أو يثير حولك -أخي الفاضل-

بعض من التساؤلات -اللي كده أو كده- أخي الفاضل..



اتصل بينا على "..........." ونحن في خط "الإيمان الصوتي"

سنكون إلى جوارك -الجيم تنطق معطشة كما ينطقها

أهل الخليج- وسنجيب عن كل أسئلتك -أخي الفاضل-

الإيمانية، وسيتواصل معك -أخي الفاضل- نخبة من ألمع

العلماء والشيوخ الذين يسهرون من أجل راحتك -أخي

الفاضل- ويسعون دوما إلى معرفة كل ما هو جديد

في عالم الفتوى حتى يقدمون لك -أخي

الفاضل- آراء وفتوى تتماشى مع صحيح الدين..

معنا في "خط الإيمان الصوتي".. أنت

في القلب.. بس اتصل الأول على "....... ...."!



لو لاحظت هتلاقي إن الإعلانات دي اللي بتقدم

خدمة مدفوعة الثمن مقدما عبر الاتصال التليفوني بس

التمن غالى اوى ممكن يوصل ل5 جنيه فى الدقيقه

الواحدة - صدقنى زى مابقولك- وطالما اتصلت

ووقعت فى المصيدةعلى الاقل هيسمعوك لمدة 5

دقائق لا اقل اى حاجه تشغل وقتك على مايمصو

دمك ....لو تلاحظ اكتر الناس دى بتركز على

ثلاثة خطوط أساسية... "المشاكل

العاطفية- الموضة والماكياج- الاستفسارات الدينية"..

ده معناه أن الخطوط الثلاثة دول هم بالفعل أكثر الأشياء

التي تشغل بال الشباب اللي هم عادة بيكونوا مستهدفين

من الإعلانات دي.

الشباب.. حضراتكم يعني!

والسؤال اللولبي المحوري الجوهري هنا يكمن فى الاتى

هل احنا من كتر عبط الشعب وسذاجتة بقا ينضحك علية

ولا احنا اللى بنكبر ؟؟؟



ولا اية ماهو ياريتنا بنكبر ونقول الله اكبر كنا هنستفيدلكن

دا احنا بنكبر الجنجنة وعلى راى الواد المهيس ابو شعر

كنيش لما قالروق الدى وكبر الجى

ايه رايكم فى الكلام دةوالناس اللى بتلعب بينا زى الكورة دول؟

شايف الموضوع دة منين طيب؟وازاىمن انهى نقطه بالمسطرة ؟وايه موقفك؟؟