دخل مسعود لشقته ونادى على زوجته وهو داخل الى الصاله


وتفاجأ بامه قاعده في الصاله وهي تبكي وشنطة هدومها جنبها


مسعود:اهلا ياماما ازيك خطوه عزيزه


الام :اهيء اهيء


مسعود :ايه ياماما خير انتي بتعيطي ليه وايه دا شنطة هدومك انتي زعلانه مع بابا


دا انتو عمركم ما عملتوها خير ياماما في ايه اتكلمي


الام:ابوك يامسعود شايفله شوفه وعايز يتجوز عليا


مسعود:حمار مين اللي قالك الكلام دا ياماما


الام: ابوك قصدي هو قالها بعظمة لسانه اهيء اهيء


مسعود: طب اهدي ياماما فهميني على مهلك ايه اللي حصل


الام:والله يابني مش عارفه دخل عليا النهارده وانا في المطبخ وقالي انا خلاص زهقت ومابقيتش مستحمل


العيشه دي انا حاطق انا حاتجوز


عايز اعيشيلي يومين زي البشر عايز ست تحسسني باني راجل


مسعود:اه فهمت وانتي ولامؤاخذه ياماما يبدو انك ماقصره مع الوالد


الام:ابدا يابني دا انا باغسل هدمته واطبخله لقمته والبيت زي الفل و24 قيراط


مسعود:ياماما الراجل يحتاج حاجات تانيه غير اللي انتي قلتي عليهم


الام:يعني حيحتاج ايه اكتر ما انا كمان ربيتكم احسن تربيه هو انا قصرت معاكم في حاجه


مسعود:لا ياماما مش القصد بس حاولي تفهميني احنه ع الهوا وما ينفعش نتكلم ع المكشوف في اعضاء


صغيرين ومايصحش نتكلم قدامهم


انتو بالليل تعملو ايه


الام:والله يابني ابوك بعد صلاة العشا يدخل غرفة النوم وانا اقعد ع التلفزيون اتفرج على باب الحاره


مسعود:باب الحاره سايبه الراجل لوحده وقاعده تشوفي باب الحاره ماانتي شوفتيها 125 مره قبل كده


طب وبعد ماتخلص باب الحاره


الام:ادخل انام يابني


مسعود :طب ياماما انتو قبل كده وفي ايام الخميس تحديدا لما كنا صغيرين كنتو بتعملو ايه بتقضو السهره ازاي


الام:ابوك كان بيروح يسهر عند الست.


مسعود:ست مين هو ابويا كان يعرف ستات؟؟؟؟؟؟؟!!!!!!!!!!


الام:لا يا ابني قصدي يروح يحضر حفله للست ام كلثوم


مسعود:طب وانتي اكيد كنتي بتحضري نفسك على ما يرجع ابويا من السهره يعني مش كده ياقمر


الام:طبعا ياولا هي دي عايزه كلام


مسعود:حلو الكلام كنتي بتعملي ايه ياقمر


الام:اصل ابوك كان بيحب ياكل كوارع يوم الجمعه فا نا اقعد احضر الكوارع بالليل لانها بتاخد وقت


مسعود : ياماما افهميني ابوس ايدك كوارع ايه طب سيبك من الكوارع


مفيش مره قعدتو في البلكونه قعده رومانسيه شربتو كوبايتين شاي فنجانين قهوه كوباية عصير


الام:ايوه يا ابني انا فاكره مره ابوك جيه من الحفله اخر سلطنه استحمى وحلق دقنه وقعد في البلكونه وطلب


فنجان قهوه


مسعود:ايوه هو دا اللي انا باقصده كملي يا ماما نهرنا فل باذن الله


الام :ابوك قعد في البلكونه وكان مسلطن ومبسوط وانا جبتلو فنجان القهوه و هههه عيب يالا انا مكسوفه اكمل


مسعود :كملي ياقمر متتكسفيش


الام:ابوك مسك ايدي وانا اتخضيت و


مسعود:ايوه هو دا الشغل بابا دا فنااااااااااان كملي وبعد مامسك ايدك ايه اللي حصل


الام:وقع فنجان القهوه من ايدي واتحرقت رجل ابوك اصل القهوه كانت سخنه اوي


مسعود: معقوله يا اما في ست تتكسف من جوزها بعد كذا سنة جواز وكمان تدلقي القهوه على رجله


الام :لا يا ابني ماتخافش الحرق كان بسيط


مسعود :طب وانتي تصرفتي ازاي


الام:ابوك قلع البجامه


مسعود:ايوه هي دي ركزي ياماما كملي كملي هي دي نقطة الخلاف وبعد ما بابا قلع البجامه


الام:اديتو مرهم الحروق وانا اخدت البجامه غسلتها


مسعود: يالهووووووووووووووووووووو وووووووووي انا رايح اشوف بابا


الام :يا ابني تعالى دي حكايه بقالها سنين والحرق بسيط و طاب من زمان


مسعود:انا مش رايح عشان كده


الام :امال يا ابني

8

8

8

8

8

8

8

8

8

8


مسعود :انا رايح اقول لبابا يطلقك