[color=blue](جوه الإزازه) (عامية مصرية)

هانى حسني- مصري - 26 سنة


جوه الازازه
قاعد بفكر

راح أقدر أخرج
ولا مش هقدر

لازم هحاول
يمكن أنازل

وأنشا الله أوصل
حتى بجوازه

جوه الازازه
ريحة كريهة

وناس سفيهة
وعيوب كتيرة

صعب نداريها
وجوه عتمة

والدنيا كتمة
وليلاتي تسمع

ميت ألف مرة
ف ألفين جنازة

برة الازازه
آخر لذاذة

العيشة عيشة
واللحمة ريشة

والخير كتير
وكله طازة

يبقي يا صاحبي
أكل الفتاته

وشغل اللتاتة
مالوش لازمة

ومالوهوش عازه
ده كتف صاحبي

هاطلع عليه
صاحبي وحبيبي

هايقولي إيه
ده مين دا راخر

جاي يغالبني
ما أنا أصلي ناقصه

يا عم سيبني
قربت أوصل

فاضلي تكه
يا عنيه طلي

على جو بره
شاهدي الحلاوة

شوفي المسرة
ياألف حسرة

يا عيشة مرة
جوة الازازه

قعدت أخطط
قعدت أدبر

وخرجت منها
لازازه أكبر


منقول
[/color]