عايزه تطلعي عينه,, انا هخليه يقول حرممممممممممممت ....اجتماع يا بمباوات

الراجل مالوش اي لزمه في الدنيا دي كلها غير انه يربي في شنبه و يقول انه جعان وتقعدي تزغطي فيه
بس ياخساره ما ينفعش يدبح

طيب

جوزك اخوكي خطيبك اي حد مطلع عينيك
هنفتح هنا موضوع
كل واحد فينا يكتب ازاي نقدر نزهقهم و نطلع عينهم

انا هبدأ

و هوه بيتفرج على هيفاء وهبي ووخداه الجلاله اوي و فاكر انه ممكن هيفاء تقع في دباديبه من نظره عييييين
روحي شدي كوبس الكهربا او ممكن تسلطي عيل من عيالك او لو ما عندكيش عيل من عيال البواب يروح يغلس عليه و يطلع عينه
او تخلي العيال في الشارع ينيمولوا الاربع فرد بتوع العربيه على الارض

و لو ما عندوش عربيه
اكيييد هيقولك جعان و عايز اكل
حطيله حاجه تخليه يكره اليوم اللي قاللك فيه عايز اكل
عندك تحطيله فلفل و تخليه عامل زي الديناصور كده و يطلع نار من بقه

ممكن وهو واخداه الجلالة اوى وبيزعق كدة اسيبه وامشى

او ممكن وهو بيتفرج على فيلم اقلبي و جيبي محطة المراة


ويا سلام بقى لو تحطي فى الشاى ملح وتقوليله معلش اتلخبطت مابين الملح والسكر
او ممكن يكون قاعد كدة بيقرا الجريدة تقومي جايبة البصل وتقعدي وتخرطيه جنبة هيتعمى ساعتها ومش هيعرف يقرا حاجة
او يكون سيادته سهران طول الليل تقومي جاية الصبح بدري تنفضي الشقة والسجاجيد وتفتحي الشبابيك ...... وقوليله اصل الشقة معفنة اوي


بيتفرج على ماتش كورة..ياسلام..نفسى انضف التلفزيون من التراب عليه

وهو قاعد على الكمبيوتر خلى الموبايل يرن وقولى له صاحبك عايزك واقفلى كل حاجة كان فاتحها وافتحى لعبة وقوليه هاخلص اهوه..اللعبة دى وبس..قربت اكسب اهوه

يارب الموضوع يعجبكم يا بمباوات


يعنى هى دى الحاجات اللى ممكن تطلع عين البنى ادم
لو عندكو حاجات زيادة قولو .............. عشان اخواتي الولاد مطلعين عيني الصراحة