شيش طاووق الدجاج

المكونات المطلوبه
(الكميه تكفى تقريبا 3 اشخاص)

1/2 كيلو من الفراخ المخليه من العظم
( يفضل انها تكون أوراك)
لان الأوراك تكون سميكه عن الصدور و بالتالى مش هتنشف أوى لما تتسوى فى الفرن

كوب زبادى
(وممكن تستعملى الزبادى قليل الدسم )

كيس كاتشاب

بصل مفروم
ثوم

ملح وفلفل و كمون

بهارات دجاج من اى نوع

فلفل أخضر و بصل و طماطم
مقطعه لمكعبات أو حلقات للتزيين

الطريقه

بعد غسل قطع الدجاج جيدا و ازالة الدهون الموجوده بها قدر المستطاع
يقطع الدجاج الى مربعات متوسطة الحجم

و توضع فى إناء عميق

ثم نتبل قطع الدجاج بواسطة البصل المفروم(ويمكن استخدام عصير البصل فقط)
و الملح و الفلفل و الكمون و الثوم و البهارات

ثم يضاف كوب الزبادى و الكاتشاب

و تقلب كل المحتويات جيدا

ويفضل ان يغطى و يترك فى التلاجه حتى اليوم التالى
او يترك لمدة ساعتين قبل الطهى

عند الطهى يفضل استعمال صينييه أو قالب من التيفال
حتى لا يلتصق و نضطر لاستخدام زيت أو سمن

أو ممكن استعمال رشاش الزيت لرش الصينيه بكميه قليله من الزيت
ثم تستخدم الاسياخ البلاستيكيه او سلاكات الطعام الصغيره

و توضع قطعة دجاج يليها مكعب طمام ثم فلفل ثم بصل
بالتوالى

و ترص الاسياخ فى الصينيه
و يرش عليها المتبقى من التتبيله

و تدخل الصينيه الى فرن ساخن

تترك فى الفرن على حرارة 200 تقريبا
لمدة ساعه أو حسب رغبتك فى ان تكون محمره اوبها
بعض الصوص

وبالهنا و الشفا