اه حظوظ هتقولي بقي من جد وجد ومن زرع حصد
وجو الريف ده والكلام الليلا بيجيب لا بيودي هو من ناحيه انه بيودي فهو بيودي في داهيه

اسمع بس للاخر اسمع ايه اقرا بس للاخر بعدين احكم
انت لما تكون حليت امتحانات كل السنين اللي قبلك كلها وشايف انها كانت سهله او حتي معقوله وكمان تلاقي الاسئله بتكرر في الامتحانات وتحس انك كده تمام والامتحان مش هيخرج عن الاسئله دي

ولان حظك زفت تلاقي الامتحان بتاعك فيه اسئله اول مره تشوفها واول مره تيجي في الامتحان اساسا وتبقي مش عارف تبدا الاجابه منين عكس كل الاسئله اللي ذاكرتها اللي شوفتها وحلتها في الامتحانات اللي فاتت اول ما تشوف السؤال تلاقي نفسك عارف لااجابه كلها

ولما تكون ماده معروف ان دي ماده درجات بتدخل تقفلها ع طول الدرجه النهائيه ودايما بتيجي سهله وبرده لحظك الزفت تدخل تلاقي الامتحان غريب الشكل والاطوار مش بس من خارج كتاب المدرسه اللي ما فهوش حاجه اصلا لا دا كمان من خارج المذاكرات والملخصات والكتب الخارجيه والداخليه ومتعرفش اساسا ايه المطلوب؟؟؟؟؟؟؟ /scenic

ولان حظك نحس تلاقي امتحان السنه اللي قبلك سهل ميه والسنه اللي بعدك ذي العسل وانت اللي في النص امتحان ذي الزفت بالظبط

طب ليه انت ما كنتش اصغر سنه ولا اكبر سنه كان زمانك فرحان بالامتحان؟؟؟؟؟؟؟؟؟؟؟؟!!!!!!!! !!!!!!!!

ممكن تكون محتار بين وتختار واحده منهم وتسيب التانيه وتلاقي امتحان التانيه ذي الفل ولانك طبعا ذي ما قولت لك انك منحوس يبقي امتحان اللي انت اختارتها ذي.............طبعا انت عارف /scenic /scenic

واكيد لانك ذي ما انت عارف منحوس والنحس ملازمك دايما السنه اللي انت فيها يكون التنسيق بتاعها في السما طب ياخد من 102% وهندسه 99%واعلام97%وانت وقفت ع السلم 95% مش عارف توديك فين

مع ان 95%دي السنه اللي فاتت كانت ممكن تدخلك صيدله او حاسبات ومعلومات او اقتصاد وعلوم سياسيه

وطبعا انت عارف السبب

وممكن كمان تكون من اللي حظهم ضارب ويكون امتحان السنه اللي قبلك زفت والسنه اللي بعدك برده زفت وانت في النص امتحانك ذي الفل

وبالرغم كمان من ان السنه اللي انت كنت فيها كانت المجاميع عاليه بس التنسيق كان حلو يعني انت كنت جايب 97%ودخلت طب مثلا وصحبك اللي كان معك في نفس السنه وكان معاك في نفس المدرسه جاب 95%بس ادبي وكان هيموت ويدخل سياسه واقتصاد ملحقهاش علشان هي حظوظ ولا ايه

طبيعي انك هتذاكر وتقطع نفسك مذاكره ويطلع عينك واحتمال تجي ليك حاله عصبيه وتقلب باكتئاب بس بعد ده كله برده انت وحظك


وطبعا يا جماعه كله مكتوب عند ربنا
والحمد لله ع السراء والضراء