السلام عليكم
كل الناس تقولك البنت سمعة عمرنا ما شفنا حد يقول الولد سمعة................ .....

ليه مش الغلط وارد من الاتنين مش ممكن الشاب يتصرف تصرفات يخجل منها من يعرفة وممكن يجيب العار لاهله...........

اشمعنى البنت اللى احنا بنركز عليها ونروح دى عملت وسوت وبنفضحها ..انا مش باقول ان مفيش بنات مش كويسين الوحش والكويس موجود سواء عند الشاب أو البنت......

ليه لو عرفت ان البنت دى ليها ماضى ممكن مترتبطش بيها ومش هاقول الماضى دة بلاوى لا حاجات خفيفة...... يعنى مثلا....
لو عرفت انها مدمنه تقدر ترتبط بيها ....لو عرفت انها دخلت السجن ظلم تقدر ترتبط بيها...

استنى استنى قبل ما ترد ودولى هو لازم ارتبط بنوعيات زى دى عشان ابقى محايد

هاقولك لا مش شرط بس لو كان اللى عمل كدة شاب بننسى ونقول ربنا هداه وبيبتدى صفحة جديدة وبيرتبط باحسن واحدة فى الاخلاق طب اشمعنى ؟
ليه بنحكم للشاب بحياة تانية والبنت بنحكم عليها بالاعدام ... ما احنا كدة بنشجعها على السكة الغلط

بذمتك ؟ تقدر تقولى ان مفيش شاب بلا ماضى بلا أخطاْء .................... ....

أتحدى( وبغض النظر عن انواع ودرجات الاخطاْء)

يا ريت أعرف رأى كل واحد فيكم بس بما يرضى الله




منقول