انا عايزه ابين لكو حركات الولاد اليومين دول على الشات او المحادثة على النت-----------------------------------------------------------------------



((او والله ممكن على الحقيقة))

مااااااا علينا :)
حبيبتي إنتي غير كل البنات اللي انا شفتهم وحاسس إنك مختلفة عنهم كتير

(( ليه يعني على راسها ريشه و لا من المريخ ))

شفتي يا حبيبتي ان في حاجات كتيرة بيني أنا وأنتي شبه بعضها.. كأننا شخص واحد


(( سبحان الله أخوها في الاسلام لازم يكون في شبه .))

حبيبتي أنتي تأمريني أمر .. كل اللي تقوليه أعمله علطول (تمام يا فندم) و انا مغمض والله

(( إبقي قابليني ))

حياتي.. عايزك تلبسي هدوم واسعة كدا بلاش الضيق والكلام الفارغ دا. مش عايز حد يشوفك غيري انا وبس

((يا حرااااام... الغيرة مقطعة قلبك اوي؟؟ ))

إن شاء الله هآجي اخطبك من اهلك بس بعد ما أكون نفسي

(( فالمشمش ))


أنا بحب الشعر ومن هواياتي الرسم والسباحة وكتابة الأغاني وبلعب ع الجيتار

(( لا رومانسي يا واد وحبيب ))

حبيبتي حطي في بالك ان أنا إذا حبيت.. حبيت من كل قلبي

(( أي قلب فيهم بتحب منه يااا..........؟ ))


لما أشوف نمرتك على موبايلي قلبي بينط من مكانه

(( اكييد .. خايف تكون شايفاك ))

فلان قالي أديله رقمك.. أنا قلتله على جثتي طبعا

(( هاهاااي يا واد أنت فريد شوقي حضرتك.. المسكينة كل شوية واحد بيعا**ها ليه؟؟ ))

حبيبتي عاوز صورتك أخليها عندي علشان قبل ما أنام أشوفك واحس انك معايا

(( لا وأنت الصادق علشان يوم ماتعرفش توصل لحاجة منها تهددها ))

آسف حبيبتي امبارح ماعرفتش اتصل بيكي بس كنت مشغووووول المذاكرة انتي عارفة الامتحانات قربت

(( باين يا نيوووتن أنت ))

عارفة حبيبتي دايما البنات بيطلبوا رقم الموبايل مني ... بس أنا مش بدي رقمي لحد عشان الرقم دا بتاعك بس

((هاهاااي .. الترتيب الصحيح للجملة .. دايما بحاول اخد رقم موبايلاتهم بس بينفضولي ))

والله حبيبتي كان نفسي آجي على معادنا النهاردة بس حصل ظروف صعبة جدااا كانت غصبعني والله وما قدرتش آجي

(( أيوة صح افتكرت معادك مع البنت التانية اللي وعدتها انك هتيجي 10 مرات وخلفت وعدك))

امبارح مانمتش... طول اليل بفكر فيكب... أخذتي عقلي وقلبي حبيبتي

(( قصدك نمت وحلمت وشبعت نوووم وماتعرفش عنها حاجة اصلا ))



انتي احلى بنت شفتها فحياتي ماظنش هشوف أحلى منك فحياتي

(( هو انت ماشفتش ملكة جمال لبنان او الكون والا ايه؟ ))



حبيبتي انا مش بفتح الماسنجر الا لما تكوني موجودة.... أصلا لانت من غيرك مالوش لازمة

(( امال البلوك اللي كان على ايميلها بيعمل ايه؟؟ ))