عمرك حسيت ان كل اللي حواليك مش فاهمينك ؟؟

ان انت ف وادي وان الناس كلها ف وادي ؟؟

وأن الناس دول مش ناسك وان العالم ده مش بتاعك ؟؟


يعني عمرك حسيت أنك مغترب وأنت على أرضك ووسط الناس اللي المفروض اسمهم أهلك وأصحابك ..

التوبيك ده بيتكلم عن الأغتراب بس بشكل أصغر شويه من مفهومه المعروف..


كتير بنقابل ناس حساسه زياده عن اللزوم ويمكن حساسيتهم الزايده دي بتكون السبب الأول في احساسهم بالاغتراب

وان العالم ده مش مكانهم..

طب يا ترى ده بيرجع لأن في ناس كتير في الزمن ده فقدوا الاحساس ؟

ولا هما اللي غلط اصلا عشان عندهم احساس زايد ؟؟


ويا ترى إيه الحل في الحاله دي ... هل الحل انهم يبعدو عن الناس اللي مش بيحسو بيهم ولا بمشاكلهم ؟

ولا الحل انهم يتقبلو الأمر ويصابو بنوع من انواع البلاده واللا مبالاه ويبقو ماشيين كده مش حاسيين بآلام حد وكمان على العكس ماشيين يجرحو ف الناس ويستهونو كمان بجرحهم وبمشاكلهم ؟؟


ياريت كلنا نتناقش في الموضوع ده

أرق تحياتي


منقول