السلام عليكم ورحمة الله وبركاته

دي أول مشاركة ليه هنا ومش عارفة اذا كانت هتعجبكم ولا اصلاً مشرفين المنتدي لن يسمحوا بتلك النوعية من القصائد العامية التى تكشف الحقائق التى نراها ونتجاهلها خوفاً ... ولكنها محاولة .. ولعلها تكون بداية خير .. وأرجوا ان لا أسبب لاي حد مضايقة بسببي .. وعلى فكرة انا يوؤسفني انى اكتب دا عن بلدي .. ومش سهل عليه اي كلمة كتبتها وصفت بلدي بهذه الحقيقة المحزنة ... تحياتي لمشرفي وأعضاء المنتدي ..




[size=10pt]بشكرك يا رئيس بلادي

وقفوا الزمان كفايا
بهدلة بأسم العدالة
كل دولة وليها حالة
كل يوم تبعت رسالة
كلمتين حب وجراءة
أشكرك يا رئيس بلادي
أشكرك على كل حال
أشكرك بأسم العروبة
أشكرك بأسم السلام
أشكرك ع الخوف كمان
أشكرك على كل حاجة
أشكرك على نهب خيرنا
أشكرك على حال بلادنا
أشكر الأتباع كمان
كل حاجة تمنها زاد
كل حاجة وليها سعر
معدش في حاجة بلاش
حاجة واحدة دي بلاش
سعر شعبك تمنه قل
يوم كمان يبقي بلاش
كل دا وهانت علينا
نشكرك ونقول كفايا
حملنا زايد عليه
كله رايح ع الديون
كله ضايع ع البطالة
كله شغال في المصانع
قولنا مش مهم خيرنا
يبقي ضايع في الهوا
المهم إن أحنا لينا
أيد بتمنع ظلمنا
أيد بتمسح همنا
أيد بترفض جرحنا
مش بتهدر دمنا
والنتيجة أن أحنا أهو
رجعنا تاني لذلنا
وبقينا دولة معفنا
بيقولوا بره عننا
أجمل بلاد الكون جمال
من جوا لا شوارع نضيفا
ولا حتى في نظام في المدينة
التعليم بقي في الحضيض
والزرع متبهدل كيماوي
الشعب بقي ذل ومهانة
والضرب شغال في الغلابة
واللي عايش بالحصانة
طالع فاضي ونازل شايل
خير بلادنا في الزكايب
وكمان بيهرب م الضرايب
واللي يدفعها الغلابة
مطلوب عشان أعرف أعيش
أنى أفضل أشكر في الرئاسة
أشكرك يا سي الرئيس
أشكرك على حال بلادي
واللي صابنا من كوارس
كل يوم ميات تموت
واللي غلطان له نفوذ
واللي شقيان ليه يموت
عبارة شغالة بخور
وقطر خربان من شهور
والنتيجة تموت نفوس
والفدية يا شوية فلوس
يا خطبة من مسئول يقول
هنصلح وندفع فلوس
وبلدنا في حالة خمول
خلتونا بجد نزهق
من حياتنا ومن عشتنا
كل يوم قبضين علينا
كل دا علشان شكينا
قولنا يا ناس أرحمونا
طب خلاص العفو لينا
أحنا أسفين للسيادة
بشكرك يا رئيس بلادي
بشكرك على حال بلادي
بشكرك بأسم العروبة
أوعى تزعل من كلامي
وبكرة ألاقي نفسي كانت
السماح والعفو لينا
يا للي سايب خيرنا لينا
[/size]