اخواني وأخواتي الغالين والطيبين
أتمني من الله تكونوا جميعا في افضل حال ان شاء الله

اخوتي في الله
ان شاء الله حاعرض عليكم فكرة جميلة اتمني من الله انكم تشاركوا جميعا معي فيها

وعلي فكرة دي مش فكرتي
دي فكرة أخ غالي فى منتدى تانى ومش عاوز يذكر اسمة
ربنا يبارك فيه ويكرمه
وجزاه الله عنا كل خير

ايه رأيكم لو كلنا نشارك بعض في شئ رائع وهادف
والأهم أنه يرضي الله عزوجل وهو


( حفظ القرآن الكريم )

ايه رأيكم اخواتي الغالين كل يوم نحفظ 10 آيات من القرآن الكريم
وان شاء الله لو واظبنا كلنا حانحفظ القرآن خلال سنتين أو أزيد قليلا بأمر الله تعالي

أتمني من كل اخواتي المشاركة ان شاء الله نحفظ
وكل أخ وأخت يدخل يكتب هنا اللي حفظه
بس أستحلفكم بالله تكونوا فعلا حفظتم
أنا واثقة في مدي التزامكم الرائع وحبكم لله
وحبكم لفعل اي شئ يرضي الله

برنامج الحفظ
1-سنبدأ من أول الأسبوع ان شاء الله حفظ العشر آيات من السورة التي سيتم اختيارها بإذن الله
2- نستمر كل يوم في حفظ عشر آيات أخري من نفس السورة
3- سنجعل يومين في الأسبوع لمراجعة ماتم حفظه
ان شاء الله يوم ( الثلاثاء - الجمعة )
4- كل أخ وأخت اشترك معانا في الحفظ يدخل ويكتب العشر آيات اللي حفظهم ان شاء الله يوميا وبإذن الله ياخد حسنات علي كتابته وحفظه كمان ان شاء الله
ولو عنده اي سؤال أو استفسار يتفضل يقوله طبعا