السلام عليكم ورحمة الله وبركاته

ازيكم يانجعاوية اخباركم ايه يارب تكونوا بخييييير

النهارده فى برنامج شبابيك ناقشوا موضوع القانون الجديد اللى نزل يوم 1/8 (قانون الزواج الجديد)

وقالوا ان القانون ده بينص على انه لازم اى اتنين هيتجوزوا يخضعوا لفحص طبى شامل قبل الزواج

فلازم يكون فيه شهاده صحيه بتتقدم عند زواج اى اتنين ولازم كمان الفحص الطبى ده يكون فى مراكز صحيه حكومية

ومن الحاجات التانيه اللى قانون بيشملها هو انه رفع سن الزواج من 16 سنة ل18 سنة

لكن زى ما قالوا فى البرنامج ان فيه مشكله فى القانون ده وهى ان التكاليف لاى اتنين هتوصل ل3000 جنيه على اساس ان كل واحد فيهم تكلفة الكشف الطبى بتاعه 1500جنيه

مع ان فى التصريحات اللى طلعت من وزارة الصحه قالت ان التكلفة لاى واحد هيكشف هتكون 70 جنيه بس

طبعا التكاليف اللى اتقالت(3000جنيه)تكاليف غالية جدا على الناس خصوصا فى ظل جو الغلاء اللى عايشين فيه وقلة المرتبات والمشكله كده انه ممكن الموضوع يعجز ناس كتير من انها تتجوز بسبب التكاليف ديه فوق التكاليف الاساسيه (الشقة والمهر وفرش الشقه .... الخ)

انا عايزة اعرف رايكم بالظبط فى الموضوع وفى القانون اللى ابتدى تطبيقه من اول الشهر الحالى

وايه الفايده اللى هترجع منه على اى اتنين متزوجين وهل القانون ده ممكن يعود بضرر على اى حد يعنى مثلا( لو واحده عرفت انها مش بتخلف) ؟؟؟

منتظرة مشاركاتكم وارائكم فى الموضوع
منقول