ازيكوو يا حلوين جبتلكو شويه ماسكات حلوة للشعر الجاف والمتقصف وبعدين هكمل بعد كده وصفات للشعر الدهنى وبعدين للشعر العادى وعايزة مشاركات كتيرة وتسالونى فى اى حاجه انا موضحتهاش انا جربت شويه ماسكات منهم وعجبنى اوى ماسك زيت السمسم وبجرب الباقى عايزاكو تجربوا وتقولولى النتايج واللى عنده اى سؤال او اى معلومه يقولها علطول
ماسكات الشعر الجاف
ماسك البيض-وده انا قلته قبل كده-


بللي جذور الشعر بالبيض المخفوق (بيضتان) بواسطة فرشة أسنان، وبعدين وزعي بقية البيض على أنحاء الشعر, ودلكي الشعر حوالي نص ساعة قبل ما تغطيه ببونيه الاستحمامحوالي ساعة وشيليه بعدها وسيبيه لغاية ما ينشف عليه البيض (نحو ساعة) وبعدين اغسليه بالشامبو والماء.


ماسك زيت الزيتون

معلقه زيت زيتون.
معلقه حبة البركة مطحونة.
صفار بيضة.


اخلطي جميع المقادير وحطيها على فروة الرأس وغطي شعرك ببونيه الاستحمام لمده ساعة على الأقل، وممكن مضاعفة الكمية لو ماكفّيتش. استخدمي الوصفة دي مرة كل أسبوع ولو عاوزة نتيجة سريعة استخدميها كل يوم وهتلاحظي مفعولها في تنعيم الشعر.


ماسك زيت السمسم0 -حلو اوى -


وده بتجيبيه من عند العطار وتفضلي تدلكي بيه شعرك بعد الحمام وتعملي بيه حمام زيت وده بيحول الشعر الجاف لشعر ناعم وصحي.


ماسك المايونيز


فيه بقى وصفة طبيعية ونتايجها فورية لعلاج جفاف الشعر، وهي أن تضيفي إلى مجموعة الزيوت اللي تفضلي استخدامها -ده بالإضافة لزيت اللوز وزيت الزيتون- ملعقة كبيرة من المايونيز، وتخلطيهم كويس قوي، وتحطيهم على شعرك لمدة ثلاث ساعات، وبعد كده تغسلي شعرك، وهتلاقي نتيجة سريعة وفورية.


ماسكات لشعـر لامع



زلال بيضة واحدة.
كوباية زبادي.


اضربي زلال بيضة واحدة مع كوباية زبادي وبعدين اغسلي شعرك بالشامبو، وبعدين دلكيه بالخليط اللي عملتيه وسيبيه 1/4 ساعة، وبعدين اغسليه بمية فاترة بالشامبو، وبعدين البلسم وابعدي عن الشامبوهات 2 في 1، وده لأنها بتؤدي لفقدان لمعان الشعر.


زيت جوز الهند


وده تجيبيه من عند العطار وتدهني بيه شعرك كل يوم بالليل، والصبح تغسليه بالشامبو والعملية دي كرريها يوميا وهتشوفي الفرق.
ملاحظه-
اشترى نوع شامبو خفيف عشان ميسحبش كل الزيوت اللى فى شعرك وبكده النتيجه مش هتبان على شعركويس تحسن تغسلى شعرك مرة واحده بس بعد الماسك يعنى متغسليهوش كتير 0
يعنى ممكن تستخدمى دوف






أهم حاجة بقى علشان تحافظي على لمعان شعرك هو شرب المية بكثرة ودي نصيحة عامة لجمالك لأن المية هي اللي بتدي لشعرك الحيوية والجمال زي بشرتك بالظبط. وافتكري دايما إن الشعر الصحي هو اللي بيلمع، يعني شعرك هتبان عليه الصحة واللمعان لو هو صحي وكويس
اما اشوف الردود هتبقى اد ايه
سلااااااااااااااااااااااا ام