السلام عليكم

اكيد مر عليكم الBiscotti ..بسكوت الايطالي شبيه بالبقسم او الشابوره على حسب التسميات

له اكثر من طريقه و هذي ابسطها ..راح ابدا بالطريقه الاساسيه و بعدين بعض المقترحات للنكهات ..انا سويته بثلاث نكهات بالقرفه و الشوكليت و ببشر البرتقال

المقادير

1 ملعقه صغيره باكين بودر
ذره ملح
2 كوبين طحين
3/4 ثلاث ارباع كوب سكر
3 بيضات
1 ملعقه صغيره فانيليا

الطريقه

اول شي نخفق البيض و السكر و الفانيليا



بعدين نضيف الطحين و الملح و الباكن بودر ..و نحصل على عجينه لزجه يعني اثقل من الكيك و اخف من البسكوت



بعدين افرديه بهذي الطريقه في صينيه ... و خليه متساوي السمك علشان ينطبخ كل بنفس الوقت .....الحجم مثل ما تحبين ...ممكن تخليه قطعه وحده تتطلع لج الحبات النهائيه كبيره ...ممكن تقسمين العجين الي نصين و تطلع لج الحبات النهائيه اصغر بالحجم ....




و تدخليه الفرن على درجه حراره 180 لمده 30 الي 40 دقيقه على حسب حراره الفرن ...بتلاحظين انه انتفخ شويه و نشف الوجه

بعد ما نطلعها من الفرن و نخليها تبرد نبدا نقطعها بهذي الشكل الي بالصوره و السمك تقريبا نص انج و حاولي يكونون بنفس الحجم



بعدين نرجع نصفهم على جنبهم في الصينيه مره ثانيه مثل الصوره و ندخله الفرن لمده 6 الي 10 دقايق على حسب الفرن ...و بعدين نطلعه و نقلبه على الجهه الثانيه و نرجع ندخله الفرن بعد لمده 6 الي 10 دقايق



ممكن تلاحظين كيف احمر من الجنب في الصوره



بعدين تخلينه يبرد و احفظيه في علبه و استمتعي بالطعم اللذيذ



النكهات :

اول المكسرات : اذا كنتي من محبي المكسرات ...فضيفي مقدار كوب من اي نوع مكسرات تفضلينه على العجينه السابقه

الشوكليت : اذا تبيه يكون بالشوكليت فشيلي جزء من كميه الطحين و استبدليها بالشوكليت البودره ...يعني اذا قلنا استخدمتي كوب و نص طحين فراح تضيفين نص كوب من الشوكليت البودره ...او ممكن تذوبين شوكليت و تغمسين فيه الحبات بعد ما تطلعينه من الفرن ..او ممكن تستخدمين الشوكليت شيب مثل الكوكيز

البهارات المختلفه :: ممكن تضيفين ملعقه صغيره على المقادير السابقه من اي نوع بهارات بودره تحبينه ...قرفه او قرنفل مسمار او زنجبيل او مثيبه او الحبه الحلوه اول هيل او زعفران او جوز الطيب او اليانسون


النكهات الاصطناعيه : استبدلي مقدار الفانيليا باي نوع من النكهات .. مثل نكهه اللوز او الفستق ...يعني اي نوع من النكهات الصناعيه السائله او ممكن ماء الورد او ماء الزهر اذا تحبين

الفواكه : ممكن تضيفين كوب من اي نوع من الفواكه المجففه الي تحبينها


و اتمنى انه يعجبكم

و هني و عافيه

منقول