احنا بنتكلم عن الجمال والطبيعه ونألف

والحريم عماله تملى البطون وتخلف

ونذيد ونكتر ونموت من الجوع

والفالح فينا بتبوظ دماغه ويتخلف



بدور فى بالى على الكلام

اللى يكون حقيقى مش احلام

انى وانا واقف فى طابور العيش

يكون مبدأى لا تراجع ولا استسلام




الناس كلها دماغها عاليه وبتهيس

كان شاب شيك ونضيف وكويس

مش لاقى شغل ولقى مكان على الناصيه

قضاها شرب لحد ما تيس




الناس خلاص مش عارفه تعيش

خلصنا من البانجو جالنا الحشيش

فاضل ينزل على البطاقه ويتدعم

وهتلاقيه حتى فى فرن العيش




المصرى خلاص عقله طار

كان بيحب يقول اشعار

بس لما جيوبه فضيت

طلعله ديل وبقا حمار



كان بيتباهى بأنه مصرى

كان انسان متطور وعصرى

شرب سيجاره على باب الحاره

فرج عليه الأجانب والفرجه حصرى