السلام عليكم

اخيرا با شهر رمضان هيجي واحسن حاجه فرمضان اللمه الحلوه والروحانيات وصلات الترويح ياه ايام حلوه اوي وحلو يحلو با والحجات بتاعت العيال دية ايام حلوه اوي وانا بتكلم عن نفسي مبلايش رمضان الا فمصر هنا رمضان ولا تحسي بيه ولا العيد تحسي بيه الا لو عزمين حد بتاع بس فربنا يعفو عنا با المهم وانا اعد الت رمضان ده لازم يبا احسن رمضان على الامه الاسلاميه عشان نخرج منو واحنه نملك بحر من الحسنات


دلوقتي عايزين نصفي قلوبنا من أي حاجة تسئ لينا نفسنا أو لغيرنا وكمان لازم لو شوفنا حاجة غلط قدمنا
لازم نصلحها ونكون قدها أحنا قدنا شهر رمضان إلي فات عملنا حاجات كويسة وربنا يرضي عننا فيها وفي حاجات عملها ربنا مرضاش عننا فيها طبعا وكلنا عارفين ان مافيش حد بي عترف بغلطتوا بس اكيد انت من جواك مضايق
أحنا عايزين السنة دي في رمضان نبدأ من جديد ونبعد عن أي سؤ والسلبيات إلي كنا بعملها نحاول نقلل منها شويه بل نمحيها خالص يا جماعة احنا مبقنإش صغيرين وأكيد شوفنا وعرفنا كتير عن دينا ولازم مدام عرفنا لازم نعمل بيه علشان ربنا يكون راضي عنا ونحاول ياجماعة نبعد البعد عن الأخطاء يا جماعة أحنا في إيدنا فرصة بس مافيش حد حاسس بيها دة احنا معنا 30 يوم عارفين يعني ايه يعني عبادة وصلاة ودعاء يا جماعة الشهر دة بتسلسل الشياطين يعني أحنا بيدنا إننا نعمل حاجات كتير أوي بس مش نعمل الحاجة إلي ترجع الشيطان لينا وهو مبسوط .


عشان كده لازم ناقش سوا فسلبيات الي بتوجهنه فرمضان ونحاول اننا نبين للناس كلها انها غلط واحنه نفسنا منعملهاش وكل واحد عندو حاجه يكتبهلنا

يعني انا بشوف او سعات بتحصل مني بلاش خباسه الي هيه حكاية نوم طول اليوم دية يعني تتسحر وتنام ومنشفهوش الا ابل المغرب بنص ساعه با يخش على المطبخ يعمل نفسو اكبر شيف داخل با على اخواتو ولا ممتو ايوة هتاكلونا ايه النهرده شويه خلصتو ولا لا وبعدين با يروح داخل ويشم با ياه ده جميل اوي بش شكلو عايز ملح انتو حطيتو اد ايه طبعا الكلام ده غلت وحرام وكلنا عرفين اه طبعا الرسول امر اننا نحط الاكل عشان نبين قدر زللنا وتواضعنا وانا ليه عابدون طائعون والاصل فصوم يعني فهمتو وجهة نظري طبعا

الي بعديها با الي بشوفو من الشباب بردو فحتة السجاير دية يربي يجي ماسك السجاره من العصر مستني المغرب ياذن عشان يشربها حاجه اجارنا الله منها فطبعا كلنا عرفين السجاير حرام وبعدين الرسول امر اننا نفطر على التمر عشان بيحتوي على مواد بتفيد الجسم وفيه نسبه من الحديد وفوائد العظيمه كلنا عرفنها و وكده مش امر اننا نفطر على سجاير لا مش سجاير بس انا اعرف ناس كتير بيشتغلو فلفنادق الكبيره وكده والولي با فرمضان بيكون هناك حاجه اسمها الخيمه دية با بيكون فيها شيشه وغناء والكلام الفارغ ده عشان يسلي الوقت بعد تعب الصوم يعني الحسنات الي خدها يروح يضيعها فلخيمه وبعد كده يتسحر عشان ياخد حسنات ويجي يديعها تاني حاجه توجع القلب اتقي الله يراجل

وبعدين با نيجي فحتة صيام مضان والي بيحصل فشارع والمدرسه من شتايم وكده دلواتي ربنا عامل الصيام عشان يبا طهره لينا مش عشان نصوم اكل وشورب وخلاص لا طبعا كلنا عرفين ان ربنا النا نصوم عشان نحفظ البدن من اعمال السؤ وكلنا عرفنها النظر ولغ لغ لغ كل شويه ده والشتايم طبعا كل شويه يحمار يرزل يبيئه الكلام الفارغ الي بنقولو ده نحاول نالل منو با

عندك با صلاة الترويح والي بيحصل فيها انا اصدي الولاد الي بتخدوهم معاكو للمسجد يعني دلوقتي اعدين بنصلي والا الاقي واحد بينط على ظهري ولا بيجري من ادامي ولا الصريخ ولا المسابقات الي بتحصل مين الي يرمي الشبشب ابعد ولا الي بيعملو سباق با تحس ان المسجد بيتهز يعني حولو تعلموهم اداب المسجد انا مش بقول متخدهمش المسجد اخذ الاطفال المسجد الرسول كان بيعمل كده يعني انا سمعت حديث ان الرسول صلى الله عليه وسلم كان مره وهوه بيخطب للصحابه كان بيبصلهم طاره ويبص للحسن او الحسين مش فاكر طاره تنيه يعني كان بيهتم بيهم ودليل انو بيستحبهم للمسجد وكان فيه حديث تاني انهم كان بيلعبو على ظهرو وهوه بيصلي صلى الله عليه وسلم ده دليل ان الرسول كان بيهتم بان الاطفال يروحو المسجد بس كان بيعلمهم الي المفرود يعملوه وهمه فلمسجد من اداب يعني يريت تكون النقطه وصلت

ايوة والشباب الكبار العقله كنت هنسى سعات با بشوف شباب ربنا مديهم من الصحه فلوقوف تابور تذاكر الكوره وتبور العيش ما شا ءالله عليهم لاكن يجو فصلاه يوي تلايهم اعدين يبني قوم صلي يالك لسه الركعه مش هتخلص دلواتي يبني قوم يالك نما يجي يركع ونما الشيخ يجي يرقع با ايه تحس ان حصنه بتجري عشان تلحق الركعه ربنا يلطف بينا عيب عليكو دنتو شباب امل الراجل الي هيقع من الوقفه ده يعمل ايه ربنا يعفو عنا

وسلي صيامك طول اليوم ادام التلفزيون ولا الكومبيوتر ايه يعم اوم اقرالك جزاين ولا حاجه يعم فكك ده مسلسلات السنادي ايه ولا منزلين برامج با وكل شويه افلام مفجات رمضان يعم صلي عنبي هوه ربتا شرع رمضان عشان تسليه ولا عشان نعبدوه ربنا يرحمنا با

ولا دوريات رمضان سلي صيامك بلعب الكوره عليهم وعلى الكوره ملاتوش غير رمضان تعملو فيه دوره متش هنا ومتش هناك ويجي طول النهار ينام تعبان با

فيه سلبيه واحد حكهالي الصواريخ بعد الفطار والبومب اه العيال بيلعبو لاكن تيجي تلائي شاب طول بعرد من فصيلة الحصنه الي فوق ويروح ماسك الصروخ وحدفو على اي حد ماشي ومش اي صروخ با صوريخ تلي بيهم بيسلو سيمهم غباء صح يعم احترم نفسك دنته كنت صايم واحترم شنبك الي بيدلدل على باك ده بلاش المعيله دية الناس ريحه تصلي الترويح عيب عليك

وحتة الزحمه وحرب الموصلات والي يوصل بسنيه الاول لا وراسو والف سيف انو هوه الي يدخل الاول ويروح البيت الاول ولا نما يكون فيه طابور خناقات وشتايم وهوه صايم يعني المفرود نعقل با شويه

نيجي با لاخر نقطه بتاعت الفطار والصلاه وماادراك ما الصلاه يجي با وقت الفطار بدون ميسمي الله وحش نزل على السفره ما شاء الله لا قوة الا بالله يعبي التنكه فل وطبعا ياديها حلويات لحد متاذن العشاء طبعا يكون لسه بكار لسه مخلص المهم يضيع نص صلاة العشاء تلفزيون وبعدين يروح تاتا تاتا مش ادر يمشي طبعا هياكل الاكل ده كلو وعيزينو يروح يصلي كمان يعني لو ربنا كرمو ووصل المسجد بسلام هيقف يصلي ازاي ولا هيسند على عجزين او يغمل زي الشباب بتوع الحصنه فكرنهم فلازم الي ياكل يرحم نفسو يعني كام تمره وشوربه سلطه حاجه خفيفه كده وبعدين اضربها برحتك يعم بس حرام عليك نفسك والترويح متتعودش ولا ايه

دية بعض السلبيات الي بتوجهنا اتمني انها تختفي من مجتماعنا تماما لان ده بيفسد فرحه الشهر الكريم
وبيسيء لينا كلنا ومش عارف السلبيات ديه نتيجة جهل مش جهل شهادات وكده لا احنه ما شاء الله علينا بس جهل دين وتطبيقو جهل باحكام دينا والسلوك الاسلاميه الصحيحه المسلم مش اخلاق حميده ولا صلاه بس دينا بيامر بالاخوه والرسول وصى بكده مثل المؤمنين في تؤادهم وتراحمهم كمثل الجسد الواحد..

يريت تنقشوني فسلبيات دية والي عندو حاجه يضفها وشكرا ليكو لحسن القراه