أنا مصرى أبن مصرى وليا الشـــــرف
برغم المهانة برغــــــــــم القرف
برغم الزبالة اللى مالية الشـــــــوارع
برغم الفســـــــــاد اللى بيه أعترف
سمو معــــــــــالى رئيس الوزارة
نتيجة موظف بسيــــــــــط أنحرف
برغم المجـاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيــــــــــه اتصرف

برغم طــــــــــابور الصباح السخيف
وكل منايا يادوب كـــــــــــام رغيف
برغم أسايـــــا لمنظر عشايـــــــا
وأقول مش مهم يــــــــا واد نام خفيف
برغم إنى شايف بـــــــــلاوى وساكت
وعايش مطنش كـــــــــــأنى كفيف
برغم وزارة رئيسهـــــــــــا خفيف
وشوفوا البجاحـــــــــة يقولوا نظيف
برغم الســـــــــلام اللى غرقت بناسها
برغم العيــــــــال اللى ساكنة الرصيف

برغم حكومة شعـــــــــارها الكلام
ورغم رئيسنــــــــــا عليه السلام
ورغم أن كله يــــــــــا عالم بيغلى
إلا كرامتى بترخص قـــــــــــوام
برغــــــم إنى عايش في بلدى فريسة
ووجبة شهية لبعض اللئــــــــــام
برغم أن كـــــــــل تاريخك يا بلدى
فعهد جنابه كــــــــــلام فوق رخام
برغم ده كله يــــــــــا مصر بحبك