السلام عليكم ورحمة الله وبركاته

ندخل في الموضوع

هنا بقى مكنة للزجالين نقعد مع بعض نشرب شاى

ونكلم براحتنا خالص كلامنا العادي البسيط بتاع الشارع

جايز يكون عندك كلمتين مش كاملين .. اكتبهم ونكمل ونساعد بعض

وجايز يكون عندك موضوع في كلمتين وحاسس انه مينفعش موضوع لوحده .. اكتب ياريس على طول

حاسس انك عاوز تقول نصيحة بشكل حلو .. خش اكتب ولا يهمك

وانت بتذاكر طبعا ممكن يعلق معاك كلمتين تكتبهم على الهامش .. هاتهم يا عم هنا احنا بنحسهم
/scenic

والمشاريب على حساب الواد محمد الكريتي .. (( تدبيسة ))
عشان هو صاحب فكرة المصطبة .. بس انا بقى قلت نعمل مُكنة حوالين المصطبة عشان البرد


يلا يا جماعة اتفضلوا

وانا هابدأ ببق كدا غريب
:]



عاوزين نعيش يد واحدة في حرب مرتدين

لكل عصبة فساد حاربوا الأدب والدين

ولا كنا يوم بالزجل بنحارب الفصحى

والفصحة قول ربنا له كلنا خاشعين

وامتى كان للزجل ع الفصحى من عدوان

ومفيش ما بينا اعتدى على حرف م القرآن

بس الزجل سهل بيعبر عن الإحساس

والفصحة لغة الحبيب المصطفى العدنان