الاقى عندكم حب ولا اتلغى

وياترى حب حلو ولا مرمغه

حب ينعكش مشاعرى وعواطفى

حب مولع نار مش مطفى

قلبى يا عالم ونفسى ادلعه

بقصه كدا جمدا تولعه

نار محدش ييجى جنبها

حاجه كده مفيش زيها

عايز اعيش قصه حب من الاخر

و لما احكى عنها الكل بحكياته يتاخر

اصل انا قلبى اصيل و نوعه جيد

واللى بيدخله بيمتلك ويتسيد

والله ما كلام هيا دى حالتى

ا نا قلبى فعلا هاى كواليتى

وعلشان مش بيشكر فى قلبه غير ابليس

مش هقول ان نوعه مش موجود فى باريس

علشان طيب وكبير وحنين اكمنوا

لو لفيتوا العالم مش هتلاقوا منوا