الاول هاكلمكوا عن الدراسة
بداية الدراسة كانت زمان ايام غير دلوقتى خالص
زمان كنا ننزل نجيب الشنط انا و اخواتى و الجزمة و الكراريس و الكتب
نقعد نغلفهم و نكتب اسامينا عليهم و اليلة الموعودة نستحمى و ننام بدرى
كنت انا اول واحد بيصحى و اجرى البس و انزل .... بس دى فرحة اول يوم بس
بعد كده انا اخرررررررررررررررررر واحد بيصحى
قوم يا ناجى
سيبينى شوية يا ماما
يالا .... قووووووووووووم
طب ادخلوا كلكم الحمام .و انا هقوم
طيب
ويدخلوا واحد ورا التانى و انا انام تانى.... و بعدين يجى بابا و بصوت الاسد
قوم يالا فز من على السرير
و الاقى نفسى عند الحمام. ادخل و انام فى البانيو ..... يخبطوا عليا
يالا يا زفت .... الباص هيفوتك
اطلع اخد السندوتشات و المصروف .... و اجرى عشان الحق الباص

اما دلوقتى اروح الجامعة ما اروحش محدش بيقولى حاجة..... تفتكروا انا مبسوط من كده .... ما أظنش



انت بتحب تكتشف المجهول
تبقى زيى .... انا كمان احب امشى فى شوارع مش عارفها و اتوه ... و اقول لنفسى تتصرف كييف يا عبد الرحيم... كييف ..كييف... انا مش عبد الرحيم و لا حاجة
المهم اتوه بس بحب اوصل فى الاخر
احب اجرب الحاجات لوحدى و احب اكون لوحدى بس ما قدرش اكون لوحدى .... بكون زى السمكة اللى طلعت من الميه ... عايز ابعد عن الناس بس ما اقدرش ... يجيلى اكتئاب .... و ما اكثر حالات الاكتئاب عندى .... لانى بحب المثالية و مش لاقيها و لا قادر اوصل لها

انا اتكلمت عن نفسى.... ايه رأيكم تفضفضوا شوية

كان معكم مراسلكم ناجى عبد السلام من تحت البطانبة و خخ خخخخخخخخخ