الحلو ماشى كده بيدلع
رمى رمش خلى قلبى يولع
اتاريه رايح سوق التلات
انا قولت يا نهار حلويات
شكله كده يوم من اوله نادى
ده حبيبى ده اطعم من الزبادى
بنظره منه اتشقلب كيانى
شيلنى شنطه قولتله هات تانى
شيلنى بتنجان وادانى كوسه
عقبال ما يحن عليا ويدينى بوسه
والله لو جاب بصل وتوم فى شوال
علشان عيونه انا ارفع كمان اثقال
وكانت ساعتها اكبر زمبه
لما حبيبى عجبته غى السوق كرمبه
شيلنى البياع الكرمبه على دماغى
وبعينه العوره قالى ظبط انت ولاغى
وورق الكرمبه نازل على عينيا
ماشى مش شايف حاجه حواليا
وغبت عن حبيبى تانيا
اتكعبلت فى واحده تانيا
افتكرتنى وقتها انى بعاكس
قالت اتكسف من الناس يا باكس
وقالتلى كلمه فاكرها وانا بنهار
مش تبقى تفتح يا ح............ر
واتلم عليا السوق باللى فيه
عدا عليا الشحات والبيه
وبسبب حسدالبياع اللى ادانى عين
العيال غنتلى من ده بكره بقرشين
من يومها قولتله يا حبيبى شده الحب
مش شرط تتقاس بشيل الكرمب