بصوا يا جماعه

انا الاول هنا فى السعوديه وانا مصرى طبعا

المهم كان حصل حاجه كده قلت لازم احنا كمصريين نتناقش فيها لانها مهمه جدا

هنا فى السعوديه مفيش سينيمات طبعا يعنى متقدرش تشوف اى فيلم زى عندنا فى مصر كده

واللى بيحب يتفرج على السينما بيروح البحرين هيا قريبه جدا مننا هنا يعنى بالعربيه تلت ساعه بس والبحرين زى مصر فيها كل حاجه

بس مش دى المشكله
المشكله اننا وانا فى السينما من حوالى عشر ايام كده كنت بسمع فيلم

وانا قاعد بتفرج لقيت واحد من الناس السعوديين اللى بيتفرجوا
لقيته بيقول

يااااااااااه انا نفسى اطل على مصر دى فيها كل حاجه مباحه كده احسن من النكد اللى فى المملكه
طبعا انا عرفته انه سعودى

لكن لقيت نفسى فجاه بفكر

الراجل ده حابب ينزل مصر عشان يعمل اللى هو حابه يعنى مسخره وحجات من الى شافها فى الفيلم وكل فيلم

بس فى حاجه

احنا ليه اما نعرض للعالم نفسنا نعرض اسوأ حاجه فينا ليه نفرج الناس على مساؤنا من خلال طرح الافلام دى
انا مش عارف

يعنى مصر اللى فيها النيل والهرم والازهر والجامعات والعادات والتقاليد وفيها كل حاجه حلوه

نيجى احنا بكل بساطه ونتجاهل الحجات دى كلها
واما نعرض نفسنا نعرض الكباريهات ولعب الامار والرقص المسخره ونخلى الناس بدل ما نفسهم ينزلوا مصر زى زمان عشان يتعلم فى الازهر ولا حتى يشرب من ميه النيل يكون نفسه ينزل مصر بس عشان يسهر للصبح ويلعب قمار ويشرب خمور


بجد انا كنت منزعج جدا وانا بسمع الراجل ده هو واصحابه بيقولوا كده


والسؤال بقا يا جماعه

ليه احنا بنعمل كده ومنوريش للدنيا الا مساؤنا من خلال شغل السيما


انا كنت هعمل الموضوع ده من ساعتها لكن حصل اللى حصل عندنا فى شقتنا من تعب حبيبى وانتيمى واما لقيت فرصه قلته




اتمنى النقاش فى الموضوع ده لانه مهم جدا


ويا حفيده كليوبترا انا عارف ان انتى مهتمه بالاخبار والتحقيقات اللى زى دى يلا يا ست الحجه ورينا الهمه وحققيلنا فى الموضوع ده




ميزوووووووووووووو