يا دنيا ايه مالك
معانا ليه حالك بيحير
ورينا يوم جمالك
اشمعنى مع اللى فوق متغير

خنقانى اوى وعلى زورى قفشه
ومستكتره عليا غرفتين بعفشه
وغيرى عايش فى قصور كبيره
وزى الصفور علينا ريشها نفشه

دايسه علينا اوى ومع غيرنا باسطه
كسرتى طموحنا على الناصيه وعلى الباسطه
قرب الاكسجين بتاعنا يخلص
وبعدما يخلص هنحتاج لواسطه

عيشتينا فى زمن مسك العسكرى سلطه
وتروح ورا الشمس بمزاج حضره امين شرطه
العبيط معاه فلوس وحظ وكرامه
وانت يا منحوس بتلاقى العظم فى التورته

مش بقولك يا دنيا تساوينا بالتانيين
احنا بنحمده اننا لسه عايشين
بقولك بس سيبي لنا حتى ضحكه
هيا ضحكه هنضحكها وبعدها ماشيين