بقعد وافكر كتير فيه قبل ما انام
واضحك اوى لما افتكر لحظة حب ولاهيام
وياسيدى بقى على خناق عشاق .... ولحظة مصالحة ويّا عتاب
وكلام كتير ووعود اكتر ... وحب كل يوم فــ القلب يكبر
يا الله على ديه كانت ايـــــــــــــــام
ساعات تمر تعدى عليك ثوانى ... ويجى وقت الغياب
ونعقد نستنى بعض تانى من بعد الغياب
وشوق وحنين ولهفة واشتياق
ها اقولك ايه بس . . .
ده كل اللى حوالينا كانو منا مستغربين
ازاى كده ؟ وامتى كل ده ؟ وفين ؟
وزى مايكونو علينا الحب مستكترين
حتى الظروف ساعتها كانت حالفة ميت يمين
لتعاند وتفرق و تبعد بين قلبيين
بس اللى صبّر قلب الواحد انه كله كان مقدر
ومكتوب علينا نعيشه من غير مانتعب ونفكر
وطبعا كلام الاهل " ده النصيب مش اكتر
وبكره تلاقى الاحسن والافضل "
اهو كلام بيه بنتصبر...
ويمكن القلب بيه يداوى جرحه
ويتعلم يسيب بقى للعقل مفتاح فرحه